“Зэрэг нэмэхийн өмнө “кино “Жинс алдахын өмнө” нэртэй байсан

Цагаан сар,  улсын наадмын үеэр “хуучин”-ы гэх тодотголтой олон  Монгол кино гардгийн нэг нь “Зэрэг нэмэхийн өмнө” кино. Монгол Улсын Хөдөлмөрийн баатар, эрдэмтэн зохиолч Лодонгийн Түдэвийн бичсэн “Жинс алдахын өмнө” зохиолоор Ардын жүжигчин, найруулагч Дэндэвийн Чимэд-Осорын “Зэрэг нэмэхийн өмнө” хэмээх кино бүтжээ.  

Энэхүү киноны толгойн бичигт “Зохиолч нь ард түмэн, би зөвхөн бичээч нь билээ” хэмээн үзэгчдэд хандан өгүүлсэн Л.Түдэв зохиолчийн үгнээс харахад монгол ардын үлгэрийн өгүүлэмжийг дэлгэцийн бүтээл болгох гэж зорьсон анхны зоримог алхам байсан нь ойлгогддог. Зохиогч Л.Түдэв монгол ардын хошин үлгэрийн санааг авч, уран сайхны киноны зохиол бичихдээ нэлээд нухацтай хандаж, дүрүүдийн зан төрхийг чадварлаг урлан гаргасан нь уг киноны зохиомжоос тодорхой харагддаг билээ. Ардын жүжигчин Г.Жигжидсүрэн ийнхүү өгүүлжээ.

Бүтээсэн он : 1965 он

Бүлгийн тоо: 7  /хар,цагаан/

Найруулагч :  Д. Чимэд-Осор

Зохиолч : Лодонгийн  Түдэв
Зураглаач : Балдангийн Дэмбэрэл
Зураач: Ядамсүрэнгийн Үржнээ
Хөгжмийн зохиолч : Лувсанжамбын  Мөрдорж

Дууны найруулагч – Ө.Чойжилсүрэн

Нүүр хувиргагч – С.Одсүрэн

Эвлүүлэгч  Л.Далайхүү, Ж.Норолхоо

Гол дүр:

Дүвчинмижидбалбагомбо зайран – Цэргийн хөгжмийн удирдаач багш Зогсоолонгийн  Доржсүрэн

Боролдой- Улсын циркийн алиалагч Батын Содном

Долдой- Дуурийн дуучин Данзаншаравын Жамъянжав нар тогложээ.

“Зэрэг нэмэхийн өмнө” кино бүтээгдсэнээсээ хойш 53 жил дэлгэцнээ гарсан байна.Л.Түдэв зохиолчийг гадаадад суралцаж байсан учраас кино бүтээх үйл явцад төдийлэн оролцож чадаагүй гэж тэмдэглэсэн байдаг. Өөрөө биечлэн оролцсон бол бүр сонирхолтой сэдлүүд гарах ч байсан юм билүү.

А.Эрдэнэ

www.zindaa.mn