Шүлхий өвчний улмаас 2411 толгой малыг устгажээ

Шүлхий өвчний улмаас сүүлийн хоёр сар гаруй хугацаанд есөн аймгийн 15 суманд хөл хорио тогтоогоод байна. Өнгөрсөн сарын 2-нд Дорноговь аймгийн Эрдэнэ суманд хорио цээрийн дэглэм тогтоосон бол хамгийн сүүлд энэ сарын 15-нд Орхон аймгийн Жаргалант суманд шүлхий гарчээ.

Одоогийн байдлаар Дорноговь аймгийн Эрдэнэ, Дундговийн Дэрэн, Гурвансайхан, Дэлгэрцогт, Булганы Рашаант, Гурванбулаг, Төв аймгийн Баянцагаан, Эрдэнэсант, Өвөрхангайн Бүрд, Өмнөговь, Сүхбаатарын Онгон, Говьсүмбэрийн Сүмбэр, Орхон аймгийн Жаргалантад гарсан шүлхий өвчний улмаас 2411 толгой мал устгаж, 130 гаруй мянган толгой малыг вакцинжуулжээ. Өнгөрсөн жилүүдтэй харьцуулахад Булганы Рашаант, Гурванбулаг сум, Өвархангайн Бүрд, Орхон аймгийн Жаргалант суманд шүлхийн голомт шинээр бий болсон байна.

Б.Алтанчимэг

www.zindaa.mn

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )

Go to top of page