”Эх орончдын өдөр”-ийн барилдаанд М.Еркебулан түрүүлжээ

Автор | Zindaa.mn
2018 оны 03 сарын 02

 Эх орончдын өдрийг өчигдөр орон даяар ёслол төгөлдөр тэмдэглэн өнгөрүүллээ. Харин энэ өдрөөр зарим аймагт үндэсний бахийн барилдаан зохион байгуулсан байна. Тухайлбал, Баян-Өлгий аймгийн Засаг даргын Тамгын газраас "Эх орончдын өдөр"-ийг тохиолдуулан Үндэсний бөхийн барилдаан зохион байгууллаа. 

Өлгий хотын спорт цогцолборт болсон тус барилдаанд нийт 32 бөх хүч үзэн зодоглосноос Баян-Өлгий аймгийн Алтай сумын харьяат, "Өлгийн хүчтэн" дэвжээний бөх аймгийн арслан М.Еркебулан тав даван түрүүлж, Цэнгэл сумын харьяат бөх аймгийн заан М.Аманбек үзүүрлэжээ. Мөн Алтай сумын харьяат аймгийн заан С.Бат-Үүл, сумын заан Б.Сундуй нар шөвгөрсөн байна. 

Барилдааны дараа, аймгийн Засаг дарга А.Гылымхан болон Засаг даргын орлогч Ш.Хавал нар түрүүлж, үзүүрлэсэн болон шөвгөрсөн бөхчүүдэд баяр хүргэж, шагнал гардуулжээ. 

Л.Зул

www.zindaa.mn

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
demjigch(122.201.31.197) 2018 оны 04 сарын 12

ulsiin tsol awahiig husie

0  |  0
Top