70 настай Арнолд Шварценеггер бодибилдингийн тэмцээнд оролцжээ
Арнолд Шварценеггер өнгөрсөн зун 70 насныхаа төрсөн өдрийг тэмдэглэсэн билээ. Өдий насандаа спортоор идэвхтэй хичээллэж, сайхан бие хаатай яваа түүнд олон залуус атаархдаг. Арнолд спортоор байнга хичээллэхээс гадна кинонд тоглож, теле төслүүдэд оролцож, бодибилдингийн тэмцээнд байнга очдог билээ. Тэрбээр хэдэн өдрийн өмнө Мельбурн дэх фестивалийн хүрээнд болсон сонирхогчдын бодибилдингийн тэмцээнд оролцжээ. Шварценеггер булчин шөрмөсөө ил гаргасан майктай гарч ирээгүй ч түүний сайхан бие хааг олон хүн биширсэн байна.
Арнолд Шварценеггерт нас нь хэд байх нь огт хамаагүй гэнэ. Эрүүл мэнд, спортлог байдалдаа л анхаарлаа хандуулдаг тэрбээр өөрийгөө 20 насаар залуу мэт мэдэрч байгаагаа ярьжээ. “Надад эрч хүч байна. Би ажиллаж, кино хийж, өдөр бүр амьдрал гайхалтай гэдгийг мэдэрч байна. Өөрийгөө хэрэгтэй хүн гэж мэдрэх үнэхээр сайхан” гэж Арнолд ярьсан байна.
Арнолд Шварценеггер, 1967 он.
О.Саша
Холбоотой мэдээ
Сэтгэгдэл ( 0 )