Баянзүрх дүүргийн дөрөвдүгээр хорооны нутаг дэвсгэрт байрлах 43-р байрны найман давхарт гал гарчээ. Галыг унтраахаар онцгой байдлын хоёр ангийн тасаг ажиллаж байна. Галын тархалтыг одоогийн байдлаар зогсоосон гэсэн мэдээллийг НОБГ-аас өгөв.
Гал юунаас болж гарсан нь одоогоор тодорхойгүй байна. Гэхдээ албан бус эх сурвалжуудын мэдээлж буйгаар "Тагтан дээрээ тамхи татаад доошоо хаяад нийтдээ дээшээ 6 айл шатлаа Тагтан дээрээ болон орцонд тамхи татдаг хүмүүс өөрсдийгөө биш бусдыг бас бодож байгаарай" хэмээн нэгэн оршин суугч мэдэгдсэн гэнэ.
Сүүлийн үед орон сууцанд ойр ойрхон гал гарах болсон. Хэдхэн хоногийн өмнө Баянзүрх дүүргийн нэгэн хороонд эхнэр, нөхөр хоёр хоорондоо маргалдаж, нөхөр нь амьдарч байгаа орон сууцаа галдаж, байрныхаа оршин суугчдыг хохироосон хэрэг гарсан билээ.
С.Баяр
Эх сурвалж: Zindaa.mn.
Сэтгэгдэл ( 2 )
munhnar eej
бидний араншин гэж ...