Хуурамч байгууллагын нэр үүсгэн иргэдийг БНСУ-д гурван жилийн хугацаатай хөдөлмөрийн гэрээгээр ажиллуулна гэсэн бүлэг этгээдийг цагдаагийнхан илрүүлжээ. Нэр бүхий гурван этгээдийг Нийслэлийн Сүхбаатар дүүрэг дэх Цагдаагийн нэгдүгээр хэлтэст эрүүгийн хэрэг үүсгэн шалгаж байна. Одоогоор 40 орчим иргэнийг залилсан болохыг тогтоосон аж. Тэд иргэдэд 100 сая орчим төгрөгийн хохирол учруулжээ. “Найдвартай виз гаргана” гэсэн зарын дагуу иргэд хандаж хохирдог байна. Залилан хийгдчийн арга улам нарийсч гадаадад суугаа Элчин сайдын яам, Консулын газар, Төлөөлөгчийн газрын эрх бүхий албан тушаалтны гарын үсэг дууриалгах, бичиг баримт, гадаад иргэний нэрийг ашиглах болжээ. Залилуулсан иргэд цагдаад хандахгүй хугацаа алддаг нь хэргийг илрүүлэх хүндрэл учруулдаг байна. Жил бүрийн дөрөв, тав, зургадугаар сард гадаад виз гаргах, ерөнхий боловсролын болон их, дээд сургуулийн дипломыг хуурамчаар үйлдэх хэрэг өсдөг ажээ.
А.Эрдэнэ
Сэтгэгдэл ( 1 )
заль луулсан тэнэгүүдийн хохино цагдаа албаныхан хичнээн анхааруулсан билээ