Доналд Трамп Мүн Жэ Инийг Цагаан ордонд хүлээн авна

 АНУ-ын Ерөнхийлөгч Доналд Трамп, Өмнөд Солонгосын Ерөнхийлөгч Мүн Жэ Ин нар энэ сарын 22-нд уулзах билээ. Доналд Трамп энэхүү уулзалтыг АНУ болон Өмнөд Солонгосын харилцааг илүү бат бөх болгоно гэж тодорхойлж буй. Хоёр улсын удирдагч нар Доналд Трамп, Ким Жон Ун нарын уулзалтын талаар хэлэлцэх аж.

Түүнчлэн Трамп, Мүн Жэ Ин нар саяхан болсон хоёр Солонгосын түүхэн дээд хэмжээний уулзалтын талаар ярилцах гэнэ. Харин АНУ болон Хойд Солонгосын удирдагчдын дээд хэмжээний уулзалт гурван долоо хоногийн дараа болох юм. Өмнөд Солонгосын Ерөнхийлөгч Мүн Жэ Ин Доналд Трамп, Ким Жон Ун нарыг уулзалтаа хоёр Солонгосын түүхэн уулзалт болсон Панмунжомд хийхийг санал болгосон билээ.

О.Саша

WWW.ZINDAA.MN