Турк: АНУ сөнөөгч онгоц нийлүүлэхээс татгалзвал бид Оросоос авна

 АНУ “F-35” сөнөөгч онгоцоо Туркт нийлүүлэхээс татгалзвал тус улс ОХУ-аас “Су-57” сөнөөгч онгоц худалдаж авах болно гэдгээ мэдэгджээ. Энэ талаар аль хэдийн судалж эхэлсэн байна. Туркийн хэвлэлүүдэд мэдээлснээр “Су-57” сөнөөгч онгоц нь Америкийн “F-35”-аас хоёр дахин хямд аж. Иймээс АНУ ирэх сард онгоцоо нийлүүлж эхлэхгүй бол Оросын “Су-57”-г хамгийн боломжит нөөц хувилбар гэж үзжээ.

Туркийн Гадаад хэргийн яамнаас “АНУ “F-35”-аа нийлүүлэхээс татгалзвал Турк улс тодорхой арга хэмжээ авна” гэсэн байна. Турк улс 100 гаруй “F-35” сөнөөгч онгоцыг АНУ-аас худалдаж авах талаар мэдэгдэж байсан билээ. Гэвч АНУ-ын хууль тогтоогчид Батлан хамгаалах яамандаа болзол тавьж, сөнөөгч онгоц худалдах хэлцэлд саад болж магадгүй байгаа аж.

О.Саша

WWW.ZINDAA.MN