В.Путин: Си Жиньпинтэй төрсөн өдрөө тэмдэглэж хундага архи уусан

 ОХУ-ын Ерөнхийлөгч Владимир Путин дэлхийн удирдагчдаас хэнтэй нь төрсөн өдрөө тэмдэглэж байсан бэ гэсэн асуултад хариулт өгчээ. Хятадын Медиакорпорацийн сэтгүүлчийн асуултад тэрбээр “Олон улсын удирдагчдаас Си Жиньпинтэй л төрсөн өдрөө хамт тэмдэглэж байсан. Түүнээс өөр хэнтэй нь ч тийм сайхан харилцаж, ажлаа зохицуулж тухтай уулзаж байгаагүй юм байна” гэсэн байна.

Оросын Ерөнхийлөгч түүнчлэн төрсөн өдрөөрөө Си даргатай хундага архи ууж, зууш идсэнээ ярьжээ. “Си Жиньпин их чин сэтгэлээсээ хүн, найдвартай хамтрагч” гэж Владимир Путин тодорхойлсон байна. Хятадын удирдагчтай хамтран ажиллахад их тухтай байдаг гэнэ. “Тэр сайн бөгөөд найдвартай найз” гэж Путин хэлээд авчээ.

Хятадын Засгийн газар Владимир Путинийг айлчлах үеэр шинэ өндөр хурдтай галт тэргээ үзүүлэх аж.

О.Саша

WWW.ZINDAA.MN