Хүүхдийнхээ төлөө өөрийгөө умартсан залуу аав Монголчуудаасаа тусламж хүсэж байна

Мөнхсайханы Энхсайхан хоёр хүүхдийн аав болж, элэг бүтэн амьдрал зохиосон ч одоо бие, сэтгэлийн тамд унаад байна. Учир нь бага хүүхэд нь өвдөж, өөрөө ч өвчилж, үүний хажуугаар “болно, бүтнэ” гэж ханилан суусан эхнэр нь хүүхэдтэй нь хаяад явсан гэнэ.

Өвчин зовлон гэдэг хэлж ирэх биш дээ. М.Энхсайхан нь хүүхдийнхээ эрүүл мэндийн төлөө эцэг, эхчүүдийн л адил шүд зуун явсаар өөрөө маш хүнд өвчилжээ. Одоо дөнгөж 25-хан настай, хөл дээрээ ч явж чадахгүй хүний нутагт эмчлүүлж байна. Одоо л Монгол ахан дүүсийн маань халуун сэтгэлийн тус түүнд хэрэгтэй байгаа юм шүү. Нэг мянга нэг мянгадахгүй.

Бодит нөхцөл байдлыг сийрүүлбэл, М.Энхсайханы хоёр ой гарантай Мөнхномин хүү нь дэлхийн дахинд маш ховор тохиолддог “kornelia de lang cindrom” гэх эмгэгтэй төржээ. Үхтэл үр харам гэдгээр өвчнийг эмчүүлэхээр өнгөрсөн онд /2017.12.29/ Солонгост очсон байна. Ингээд он гаргаад 01 сарын 18-нд хоёр нүд, хоёр чихний яаралтай хагалгаанд оржээ. Хэдийгээр суурь ховор өвчин нь эдгэхгүй ч, хийлгэсэн хагалгаа нь амжилттай болсон байна.

Гэвч энэ хугацаанд хүүгийн аав Энхсайханы бие гэнэт мууджээ. Өөрөө өвдөж байхдаа өвчин намдаагч хэрэглэн, хүүхдийнхээ эмчилгээг гэсээр яваад ийм байдалд хүрсэн байна.

Нуруу нь тэсвэрлэхийн аргагүй өвдөн хоёр сар эмчилгээ хийлгэсэн ч сүүлдээ гишгэж чадахгүй болжээ.  Улмаар хөлийн 10 хуруу нь хөдлөхөө байж, хэвтэрт оржээ. Ингээд эмнэлэгээр дахин явж, мэдрэл, нугас, нурууны ясны сүрьеэ гэх оноштойгоор 15 цаг үргэлжилсэн хүнд хагалгаанд орсон байна. Ингэхдээ уушгины болон нурууны үений хагалгаа хийлсэн бөгөөд нурууны найман үе нь өвчилж идэгдсэн байж. Түүнийг нь хагалгаагаар орлуулж хадсан байна.

Эмнэлийн төлбөр нь 44.142.299 вон гараад байгаа гэнэ. Бяцхан хүүхдийнхээ эмчилгээ, хагалгаанд аав, ээжийнхээ байгаа бүхнийг шавхан зориулж, ах,эгчийнхээ тусламжаар өдий хүртэл яваа ч өөрийн эмчилгээний төлбөрт гарсан тэр их мөнгө хаана байх билээ. М.Энхсайханы гэр бүл, ахан дүүс мөнгө олох бүх л арга чаргаа сүвэгчилж, Солонгост байгаа монголчууд, Солонгос дахь Монголын элчин гээд байж болох бүх л газарт ханджээ. Эцсийн мөчид нийт Монголчуудаасаа тусламжийн гараа сунгахыг чин сэтгэлээсээ хүсэж байна. Монголчууд та нарын маань сэтгэлийн дэм багадахгүй, нэг мянга нэг мянгадахгүй.

М.Энхсайхан нь Янсан хотын Бусан их сургуулийн эмнэлэгт одоогоор хэвтэн эмчлүүлж байгаа юм.

Элэг нэгт Монголчууд та бүхэн маань түүнд сэтгэлийн дэм хайрлаж хандивын гараа сунгана гэдэгт итгэлтэй байна.

Монгол дахь данс: Хаан банк 5556271664 Мөнхсайхан Энхсайхан

Солонгос дахь данс: Хана банк 383-890259-74207 MUNKHSAIKHAN ENKHSAIKHAN

Холбогдох дугаар: Энхсайханы аав Мөнхсайхан-80809480

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 1 )

Gerel [ 118.176.123.54 ]      |     2018 оны 6-р сарын 29 -нд, 04:25 минутанд

Ene ikh hetsuu uvchin shudee..zaluu hvn tuldaa mundag bnaa..ter avgai arail muu muu ghd muhargui muu hvnuu...2 jhn huuhdee uvchtei nuhruu hvnii nutagt gudmand hayad yavchihdag..yadaj 2 huuhdee avaad yavdag bgaadaa araichdee hujaagaas dor lalar uymdaa

Go to top of page