Энэ сарын 25-ны өдөр ээлжит бус чуулган хуралдаж магадгүй

УИХ-ын гишүүн Л.Оюун-Эрдэнэ нарын 25 гишүүн “60 тэрбум”-ын асуудлаар нээлттэй сонсгол явуулах, "Эрдэнэт" үйлдвэрийн 51 хувийг Өмнөд Африкийн "Стандарт" банкинд барьцаалсан хэргийн тухай, АТГ-ын даргын мэдээлэл сонсох гэх мэт хэд хэдэн асуудлаар ээлжит бус чуулган хуралдуулахыг шаардсан албан бичгийг УИХ-ын дарга М.Энхболдод хүргүүлээд чамгүй хугацаа өнгөрчээ.


УИХ-ын гишүүдийн ихэнх нь үүнийг дэмжиж байгаа ч сумдын наадам энэ сарын 18-23-ны өдрүүдэд бололх тул гишүүд наадамлах гээд хойш тавьж байгаа бололтой. Харин ойрын эх сурвалжийн хэлж байгаагаар бол ээлжит бус чуулганы хуралдааныг энэ сарын 25-ны өдөр товлож магадгүй гэжээ. 


УИХ-ын гишүүдэд шаардлага хүргүүлээд буй гишүүдийн хувьд “Монгол төрийн бодлого үндсэн хуулийн дагуу тасралтгүй явах зарчимтай. Тийм учраас баяр наадам болж байгаа ч гэсэн авлигатай холбоотой асуудал бүдгэрч, урт амралттай давхцаад олон нийтийн анхаарлаас гарч болох юм гэдэг зарчмыг барьж байна. Зургаадугаар сарын 28-ны өдөр нийтийн сонсгол зохион байгуулах тухай хуулийн дагуу УИХ-ын 19 гишүүний гарын үсэгтэй шаардлагыг УИХ-ын даргад өргөн барьсан. Харин өнөөдөр 25 гишүүн нэгдээд шаардлага хүргүүллээ" хэмээж байсан.


Хууль ёсоор бол УИХ-ын гишүүдийн гуравны нэг нь хүсэлт гаргасан бол ээлжит бус чуулган зарлагдах учиртай юм байна. Тэгэхээр энэ сарын 25-ны өдөр ээлжит бус чуулган хуралдах магадлалтай болжээ. Хууль тогтоох дээд байгууллагын танхимд сууж байгаа түшээд маань өөрсдөө хуулиа зөрчөөд суухгүй биз ээ.

Н.Баатар

www.zindaa.mn

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 3 )

Сонгогч [ 64.119.23.105 ]      |     7-р сарын 19 -нд, 09:45 минутанд

Тумур зам Чингисхана Фондииг авч хэлэцэх хэрэгтэи

Hero [ 64.119.18.34 ]      |     7-р сарын 19 -нд, 04:16 минутанд

Bas jenko narin tumur zamin hergeer medeelel hiih heregtei

Иргэн [ 66.181.181.148 ]      |     7-р сарын 19 -нд, 02:02 минутанд

Ээлжит бус чуулган зарлах эсэх нь хуулиараа УИХ-ын даргын шийдэх асуудал бололтой?! Заавал ээлжит бус хурал зарлах ёстой гэсэн зүйл аль ч хуульд алга

Go to top of page