УИХ-ын Төрийн байгуулалтын байнгын хороонд гомдол гаргав

2018 оны 07 сарын 24

УИХ-ын гишүүн Л.Оюун-Эрдэнэ болон нэр бүхий гишүүд 2018 оны 07 дугаар сарын 10-ны өдөр УИХ-ын дарга М.Энхболдод хандаж гаргасан шаардлагын агуулгатай холбогдуулан Авлигатай тэмцэх газраас УИХ-ын Төрийн байгуулалтын байнгын хороонд хандан /2018.07.23/ гомдол хүргүүллээ. 

Авлигатай тэмцэх газар хэрэг гомдлыг дангаараа бие даан шийдвэрлэж байгаа, улс төрийн нөлөөгөөр эрүүгийн хэргийг замхруулдаг, дарагдуулдаг мэтээр гүтгэн олон нийтэд мэдээлэх, УИХ-аас томилогддог албан тушаалтныг огцруулах, түүнийг томилсон УИХ-ын шийдвэрийг хүчингүй болгуулах шаардлага гаргах нэрээр улс төрийн дарамт, шахалт үзүүлэн, ёс зүйгүй үйлдлийг удаа дараа гаргаж байгаа тул Авлигатай тэмцэх газар ийнхүү гомдол гаргалаа.

Авлигатай тэмцэх газар дур мэдэн аливаа эрүүгийн хэрэг, гомдол мэдээллийг дарагдуулах, замхруулах хууль эрх зүйн ямар ч боломжгүй бөгөөд Үндсэн хуульд зааснаар эрүүгийн хэрэг хянан шийдвэрлэх бүхий л үйл ажиллагаа прокурорын байнгын хяналт дор явагдаж, хэрэг хянан шийдвэрлэхтэй холбогдсон аливаа шийдвэр гаргах эрх прокурор, шүүхэд хадгалагддаг. Хуульд зааснаас бусад ямар ч үндэслэлээр Авлигатай тэмцэх газрын даргыг огцруулах, чөлөөлөх эрх УИХ-ын гишүүн төдийгүй бусад хэн нэгэн этгээдэд олгогдоогүй тул дээр дурдсан үндэслэл нь хуулийн холбогдох заалтыг зөрчиж байгаа талаар Авлигатай тэмцэх газраас гаргасан гомдолд дурджээ.

 Мөн дээрх үйлдлээрээ УИХ-ын гишүүн төрийн хуулийг дээдлэн сахиж, гишүүний үүргээ чин шударгаар биелүүлэхээр өргөсөн тангаргаа зөрчин, улс төрийн сонирхлоор асуудалд хандаж, олон нийтийн шударга, үнэн зөв мэдээллээр хангагдах эрх зөрчигдөж байгаа тул Л.Оюун-Эрдэнэ болон нэр бүхий УИХ-ын гишүүдийн хууль зөрчсөн үйлдлийг зохих журмын дагуу хянан шийдвэрлэж, хариуцлага тооцуулахаар Авлигатай тэмцэх газраас УИХ-ын Төрийн байгуулалтын байнгын хороонд хандлаа.

Авлигатай тэмцэх газраас УИХ-ын Төрийн байгуулалтын байнгын хороонд 2018 оны 7 дугаар сарын 23-ны өдөр хүргүүлсэн албан бичиг (2 хуудас) 

УИХ-ын гишүүн Л.Оюун-Эрдэнээс УИХ-ын дарга М.Энхболдод 2018 оны 7 дугаар сарын 10-ны өдөр хүргүүлсэн шаардлага (5 хуудас)





Авлигатай тэмцэх газраас УИХ-ын гишүүн Л.Оюун-Эрдэнэд 2018 оны 6 дугаар сарын 19-ний өдөр хүргүүлсэн тайлбар (4 хуудас)



АВЛИГАТАЙ ТЭМЦЭХ ГАЗАР

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
irgen(64.119.27.227) 2018 оны 07 сарын 24

60 terbum yarisan ni mash buruu. gehdee Oyunerdene ch yuund holbootoi bolohooroo l gishuun bolson gj bodoj bna. Uuruusuu ehleed shalguulah heregtei. Uneheer hun chanar shudarga yos gej bgaa bol Oyunerdene uuruu bas shalguulchih

0  |  0
dzochin.t(66.181.187.103) 2018 оны 07 сарын 24

Oyunerdene.bol.ard.tumnii.tuluulul.uchraas.bidnii.umnuus.asuuj,.shaardah.erhtei.ATG.ajlaa.mash.muu.hiij.bgaa.ni.unen

0  |  0
zochin(66.181.187.103) 2018 оны 07 сарын 24

ATGhuuli.deedleh.yostoi.bolohoos.uls.turch.diin.gar.hul.boloh.yosgui..uursduu.huuli.zurchij.bna.Oyun.erdene.bol.ard.irgediin.tuluulul.Bidni.umnuus.shaardah.erhtei.hun

0  |  0
zochin(66.181.187.103) 2018 оны 07 сарын 24

M.Enhboldoo.ih.hurlyn.darga.shuu.yam.bol.mongol.ulsyn.ih.hurlyn.tuhai.huulia.deedel.bieluul.ATG.uursduu.huuli.zurchij.bna.iim.bj.bolohguie

0  |  0
Шударга иргэн(122.201.23.158) 2018 оны 07 сарын 24

Хужаагийн хүү Энхболд мөхөж байгаа нь харагдаж байна. Түүний гар хөл болсон АТГ-ын дарга Энхжаргал ажлаа өгөхгүй гэж үхэн хатан тэмцэж, тэднийг 32-ын бүлэг болох хужаагийн эрлийзүүд, хулгайч луйварчид эцсийн дусал цусаа гартал хамгаалахаар болж байх шивдээ хөөрхий.

0  |  0
Top