Нэг сая ам.доллар чамласан “Хөлсний ажилчин”
Нэгэнтээ дуулиан дэгдээж, өдгөө ч цуурай нь алсраагүй байгаа “60 тэрбум”-ын бичлэгийг бодит, бодит бус нь надад тэгтлээ сонин санагдахгүй байна. Тийм ч биз, үгүй ч биз. Тэр битгий хэл зүйлийг илбэ зэргэлээ шиг алга болгож чаддаг өндөр дээдэстэй улсын иргэн болохоор гайхах юм алга.
Гагцхүү Г.Доржзодов ямар учраас тэднийг тагнаж чагнах замаар бичлэг хийв гэдэг нь илүү сонирхол татна. “Сайн эр”-ийн цацсан бичлэгийг эвлүүлэг, эвлүүлэг биш гэж маргаад хоёр жилийн нүүр үзэхэд нэг нь ч “хэний захиалга вэ”, “ямар учраас” гэж асуусангүй.
Бод доо, Нийслэлийн МАН-ын даргаар ажиллаж асан Ц.Сандуй, Иргэдийн хурлын төлөөлөгч А.Ганбаатар нарын хамсаатнаар Стратеги хариуцсан захирал албан тушаалд томилогдож, улмаар тэдэнд “Хөлсний ажилтан”-аар үйлчилж байсан Г.Доржзодов шүү дээ. Эрх баригч намын даргаар ажиллаж байсан, өдгөөгийн УИХ-ын дарга М.Энхболдын багийн хүн гэсэн үг. Тодотгох юм бол тэдний хамсаатан “гүн итгэлт” нөхөр нь гэж болно. Түүнээс бус захын нэг нөхрийг стратеги хариуцсан захирлын албанд томилж, давхар “Хөлсний ажилтан”-аар ажиллуулахгүй шүү дээ. Стратеги гэдэг бол аливаа улс орны хэтийн төлөвлөлт, дайн байлдааны цагт стратеги гэдэг бол нууцын нууцын зэрэглэлд байдаг зүйл. Улс төрийн намуудын хувьд сонгууль бол нэг ёсны дайн.
Тэгэхээр “Гүн итгэлт” нөхөр маань хэрхэн “Сайн эр” болсон байх уу. Хамгийн энгийнээр авч үзвэл тэрбээр хөлсөө чамласан байж болох юм. Яагаад гэвэл манай улс төрийн намууд төдийгүй хувийн хэвшлийнхэн ч болж өгвөл үнэгүй, хямд зарах гэдэг шүү дээ. Эсвэл тухайн үеийн МАН-ын удирдлагууд Г.Доржзодовт амласан албан тушаалаа өгөөгүй байх өндөр магадлалтай. Насаараа албан тушаал горьдсоор яваад тэтгэвэртээ суусан нөхөд алийг тэр гэхэв. 2016 оны сонгуульд ажил амлуулсан нөхөр өдгөө гудамжинд лааз өшиглөөд алхаж л байна. Магадгүй, өрсөлдөгч намаас ихээхэн хэмжээний мөнгөний амлагаанд “өвдөглөсөн” гэх гурван хариултаас өөр хариулт үл олдоно. Тэдний аль аль нь өөрсөддөө хэрэгтэй зүйлийг ямар ч үнээр хамаагүй худалдаж аваад сурчихсан гэдгийг мартах хэрэггүй. Түүнээс нэг сая ам.доллар амлаж байхад толгой сэгсрээд сууж байх “Хөлсний ажилтан” энэ Монгол Улсад байна уу. “Энкато” гэх саунд суугаад нэг сая ам.доллар өгье өө гэхэд толгой сэгсрээд гараад ирлээ гэж “Сайн эр” маань өөрөө хэлсэн шүү дээ.
Үүнд итгэх ямар ч арга алга, нөхцөл боломж ч алга. Итгэхээр нийгэмд ч бид амьдраагүй, итгэхээр өндөр дээдэстэй ч биш. Ам.долларынх нь ханш 2400 төгрөг давсан байхад 196 мянган төгрөгийн цалин авдаг улс шүү дээ. Гадаад өрийн хэмжээ нь 24 тэрбум ам.доллар давчихсан, бүгд банкны зээл, линзингийн өртэй ийм улс орны нэг “Хөлсний ажилчин” нэг сая ам.доллараас зугтаад явах уу. Тэгэхээр “Сайн эр” маань нэг сая ам.доллараас давсан өртөг эсрэг талаас авсан байх магадлал бий.
Өнгөрөгч 2016 оны сонгуулийн үеэр нэг талаас томоохон хамгаалалт, нөгөө талаас томоохон дүнтэй мөнгөн амлалт гээд жинхэнэ умбаж байсан Г.Доржзодовын сураг тэр цагаас хойш сураг тасарсан ч гэнэт МАН-ын Ёс зүйн хороонд гомдол гаргаснаар ил болж байна. Сонгуулийн үеэр нэг хэсэг нь “улстөрчдийн булхайг дэлгэсэн сайн эр, ёстой шударга залуу” хэмээж байсан бол нөгөө хэсэг нь “ханилж яваад нөхрөө хатирч яваад морио гэдэгсэн, мөн ч тааруу нөхөр” гэх шүүмжлэлд ч өртөөд авсан. Аль аль нь биш л дээ.
Тэр зүгээр л амьдрах гэж яваа “Сайн эр”, яадгийм.
С.Ууганбаяр
www.zindaa.mn
Холбоотой мэдээ
Сэтгэгдэл ( 30 )
hen luivardaj chadsan n usnaas tsever gardag yos gontshan manaid l bn.
ууганбаяраа чи арай л хямдхан хөлсөөр бичээ юу даа.чамайг өрөвдлөө чааваас даа бас эсрэг зүйл бичих үүрэг аваа юу.чи чинь харин хэний өмнөөс бичиж бга чинь харагдаж бна
Uugaa chi harington hulsnii bicheech hu. Hyamdhan unetei hihi.
1 сая доллар .. Доржзодов-д хэн өгнө гэж амалсан юм бэ?Мөнгө амалсан гэхээр энэ бичлэгийг үнэн гэдгийг улам нотлоод бгаа юм шүү.Ууганбаяраа
Ямар ч л бсан мафийн хуйвалдааныг илчлээд зориг гаргаад тавьсан нь хамгийн гол нь.Зэвсэг-н болон ,хуйвалдаанаар төрийн эрх авах нь яг адил шүү .Өөр улсад бол баригдвал шорон эсвэл цааз .
ulsaa zarj bga huniin bicheeche ene bas zaragdsan llr ym bichvu
Энэ Ууганбаяр гэгч этгээд бол хөлс мөнгийг нь өгч байвал бүүр юу ч хийхэд бэлэн, улсаа ч зарахаас буцахгүй жинхэнэ хөлсний ажилчин гэдгээ өөрөө зарлаж байна.
Энэ залуу мундаг. Сая $-р төрийн эсрэг ажилаагүй. 60 тэр бум нотлогдвол төрийн эсрэг гэмт хэрэг, дээрээс нь эх орноосоо уравсан болж нэг мөр түүхэнд урвагчын үр удам гэж бичигдэх болно.
Монгол төрийг үнэлэн ханш тогтоож зарах тухай хэдэн эрлийзүүд ярилцаад эхлэнгүүт бичлэг хийгээд түүнээ цацаад улсаа хамгаалж байгаа зоригт монгол залууг адлаад бичиж байгаа адсагаас дор , адгийн үхээнц шаарнууд сөнөтүгэй.
Ai huurhiis duu gej
урвагч бол урвагчаараа дуусдаг
Муусайн урвагч дүлзэнгүүд сөнөтүгэй !
Dutagdalyn hajuugaar duugui ongorch chadasgui zaluu. Ter mongijg golson gej barimt bhgui hamaagui bichivh bolohgui sh de. Hunij ner tord haldaad. Zohiol bichich bgaa jum shig l tolgoind orsonygay jijteldeg boljee. Yamar ch hyanalt bhgui.
Зохиолоо найруулчихаад мандан бадарж гялалзаж явсан үеийн маань.зураг даа
Доржзодовын шударга гэж ямар юм байнаа хүмүүсийн яриаг гуйвуулсан гуйлагчан юм биш үү . Энэ этгээд харин ч төрийн ажил явуулахгүй хэсэг бүлэг хүмүүсийн захиалгаар гүтгэлэг зохион байгуулж яваа этгээд юм биш үү. Нэг сая доллор нарин нэхсэн гээ биз дээ. Ийм үл бүтэх этгээдийг бариж аваад шоронд хий л дээ. Муу хүн л хамгийн муу хүний санаанд орохгүй муу муухай зүйлийг санаж сэдэж хүмүүсийг хутган үймүүлж явдаг гэсэн..
Эх орон гэж цээжээ дэлсэгсдийг илчлэн нийтэд ил болгосон гавьяатай залуу.Тэд / ундуй- Сундуйтнууд/ сандраад үүрээ эвдүүлсэн шоргоолж аятай болж байна шүү дээ.Тэгээд ч Ундуй Сундуй үнэн гэдгийг олон нийтийн мэдээллийн хэрэгслээр /ТВ-ээр/ өөрийнхөө амаар өчсөн шүү дээ
Доржзодов бол шударга иргэн. Ийм муухайн луйврыг илчилж, өөрөө амь насаа эрсдэлд оруулсан түүнийг улс хамгаалалтанд авч, Сандуй, М.Энхболд, Ганбаатар нарт харин ял тулгах ёстой. МАН болон АН авилгалд идэгдсэнийг энэ явдал харуулж байна.
ууганбаярт сая бүү хэл 1000$ өгье гэвэл худалдагдах гуйлгачин яаж ийм юм ойлгох вэ? хүний мууг их дуудаад байдаг
сайн залуу байна
Хүн болгоныг бүх юмыг Ууганбаяр гэдэг хэвэнд цутгаж болохгүй биздээ
Муу эрийн гайгаар л цацагдсан болохоос үнэндээ бүх намын л булхай шүү дээ
Хөлсөө чамласан ч бай хэргийн гол учир 60 тэрбум яригдсан нь үнэн гэдгийг бичээч өөрөө батлаадахлаа. Сайхан матлаа даа. Хэргийн гол учир Доржзодовдоо бга юм биш шүү дээ
Орчин цагийн ТҮГЖИЛ
зоригтой шударга мундаг залуу
Юу гэх гээд байгаа юм хүн болгон чам шиг хөлсийн төлж байвал эх орон ч ээж ааваа ч худалдахаас буцахгүй хөлсний бичээ ч биш шүү дээ
enhboldiin bag sandarch ihelee dee