Цэл залуухан уулчин харамсалтайгаар амиа алджээ
Өнгөрөгч долоодугаар сарын 26-ны өдөр Каракорамын нурууны Латок ууланд нэгэн харамсалтай явдал болсон тухай мэдээлэл цацагдаад байна.
Латок оргилын хойд ханаар нэг ч хүн авирч гараагүй бөгөөд, энэ нь уулчдын сонирхлыг ихээр татдаг байжээ. Тэр тусмаа Piolet d”Or-д хүч үздэг өндөр ур чадвартай уулчдын хувьд К2-с илүү их сэтгэлийг нь татдаг байсан нь гарцаагүй юм. Александар Гуков, Сергей Глазунов нар яг л энэ хүсэл тэмүүллээрээ, хүндээс хүндийг авирч дуусгахаар зориглон хөдөлжээ. Харамсалтай нь өнгөрөгч долоодугаар сарын 26-ны өдөр Сергей Глазунов 6100м орчим өндрөөс унаж, 26 насандаа ертөнцийн мөнх бусыг үзүүлсэн байна. Хамтрагч Александр Гуков (42 настай) долоо хоног тэссэний эцэст аврагдаж чаджээ.
Сергей Глазунов нь ОХУ-н спортын мастер, ОХУ-ын аварга, уулын инструктор, Эрхүү хотын "Горы Байкала" уулын клубийн үүсгэн байгуулагч, "Уулын аврагч" медальтай, Оросын "Алтан ледоруб" шагналын эзэн гайхалтай нэгэн байв.
Түүний томоохон амжилтуудаас цөөн хэдийг дурдвал, Хан тэнгэр ууланд 6Б ангиллын "Свириденко" замаар авирсан, Ленин, Корженевской, Коммунизм, Хан тэнгэр гэсэн долоо мянган метрээс өндөр 4 оргилд нэг улиралд багтаан авирсан, 20 жилийн турш хүн авираагүй орхигдсон Аляскын Саюк Жайлау ууланд шинэ замаар авирч гарсан гэх мэтээр өндөр ур чадвар үзүүлжээ. Түүний ур чадвар жилээс жилд өсөн нэмэгдэж, дэлхий дахины сонорыг мялаахад бэлэн болж байсан цэл залуухан насандаа ийнхүү бүгдийг орхин одсонд ОХУ даяар гүн эмгэнэл илэрхийлээд байна.
www.zindaa.mn
Холбоотой мэдээ
Сэтгэгдэл ( 6 )
Arai ch dee... hunii uuriin geltgui haa gazraas sainuud ni turuuleed yavchih yumaa!!!
UM MAANII BADMI HUM HOID SAIN HUN BOLJ TURUUREI
УМ МА НИ БАД МЭ ХУМ. Хайран хүү.
Хүсэл эрмэлзлэлтэй, зоригтой, зорилготой сайхан залуу бурханд хэрэгтэй байж.
бүргэд огторгуй руугаа халин нисэн одлоо
hairan saikhan zaluu,id saikhan zaluu nas uulchdiigyaltai bilee, tednii husel mereedel ny yumdaa