Руби Рөүсийн мөрөөдөл биелж супер баатар болно

  Жүжигчин Руби Рөүс DC комиксын тусгай дүр болох “Batwoman”-д тоглохоор болжээ. Киноны зураг авалт аль хэдийн эхэлж найруулагчаар нь “Цус сорогчийн өдрийн тэмдэглэл” киноны продюсер Каролин Драяс ажиллаж байгаа юм.

Руби Рөүс нь “Улбар шар бол шинэ хар” киногоороо дэлхийд танигдсан лесби жүжигчин. Хэрэв энэ цуврал сонгогдвол DC-ийн түүхэн дэх анхны ЛГБТ супер баатартай цуврал болох аж.

Тэрбээр “Инстаграм” хуудсандаа “Сарьсан багваахай торноосоо мултарлаа. Би үнэхээр баярлаж, догдолж байна. Багын мөрөөдөл минь удахгүй биеллээ олно” гэжээ.

Н.Амгаланболд

WWW.ZINDAA.MN