Чулуун зэвсгийн үеийн омгийнхон одоо амьдарч байна

Автор | Zindaa.mn
2018 оны 08 сарын 09

Энэтхэгийн далай дахь Андаманы арлууд дээр буюу Энэтхэг, Мьянмар хоёрын дундах битүү ширэнгэн ойн гүнд эртний жарава /Jarawa/ овгийнхон амьдардаг. Тэд ойролцоогоор 55 000 жил оршин тогтнож байгаа бөгөөд 1998 он хүртэл соёл иргэншилт нийгмээс бүрэн тусгаарлагдаж байсан аж.


Жарава овог Африкаас Андаманы арлууд руу цагаачилж ирэн, 50 хүнтэй нүүдэлчдийн бүлэг үүсгэн өнөөг хүртэл оршсоор байна. Тэд загас барин, нум сумаар амьтдыг агнан, мөн жимс самар түүж  хооллодог гэнэ.


1990-ээд онд Энэтхэгийн засгийн газар тэдэнд орчин үеийн амьдралын нөхцөл боломжийг санал болгосон хэдий ч тэд татгалзсан байна. Тэгээд ч соёл иргэншилт нийгэмтэй танилцсан явдал тэдний хувьд ул мөргүй үлдэж чадсангүй. Олон мянган жилийн туршид бүрэлдэж тогтсон жарава овгийнхны амьдралын үндсэн хэв маягт тодорхой хэмжээний өөрчлөлтүүд орж эхэлжээ.


Аборигенчүүдийг сафари паркийн амьтад мэт боддог эсэн бусын аялагч жуулчид тэдний оршин буй газар нутаг руу нэвтэрч эхэлсэн байна. Тус овгийн төлөөлөгчидтэй харилцаа холбоо тогтоох, тэдний зураг хөргийг авах явдал хуулиар хориотой боловч жуулчдын хууль бус урсгалыг яагаад ч зогсоож чадахгүй байв.


Чулуун зэвсгийн үеийн овог аймгийнхны хувьд хамгийн хор хөнөөлтэй нь хууль бус анчид, ангийн наймаачид байлаа. Тэд аборигенчүүдийн амьдардаг ой хөвчид нэвтрэн, тэдний аж амьдралаа залгуулдаг ан амьтдыг олноор хөнөөх болсон байна.


Одоогийн байдлаар, жарава омгийн 400 орчим хүн байгаа бөгөөд хэрэв Энэтхэгийн засгийн газар ямар нэгэн тодорхой арга хэмжээ авалгүй яваад байвал 55000 жилийн түүхтэй энэхүү овог аймаг устаж үгүй болох магадлалтай аж.


Д.Мөрөн

Эх сурвалж: ZINDAA.MN

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
(202.179.25.184) 2018 оны 08 сарын 15

МАНАЙХ ӨӨДТӨЙ ӨӨДӨЛЧ ЧАДАХГҮЙГЭЭС ХОЙШ ЭД НАР ШИГ ЗҮГЭЭР ЗҮЛГЭН ДЭЭР ГЭРЭЭ БАРИАД ЗҮГЭЭР Л АМЬДАР

0  |  0
(202.179.26.22) 2018 оны 08 сарын 12

Хэрэглээ нь хязгаартай учир шуналгүй, соёлт ертөнцөөс илүү тайван амьдарч байгаа юм биш үү.

0  |  0
zochin(103.212.117.233) 2018 оны 08 сарын 11

MAH IDEH NUGEL ORCHIN UEJMEER YUM

0  |  0
Top