Путин АНУ-д хариу барихаар бэлтгэж байна

Автор | Zindaa.mn
2018 оны 08 сарын 14

 АНУ саяхан Оросын эсрэг шинэ хориг арга хэмжээ авсан билээ. Вашингтоны зүгээс Москваг Их Британийн Солсбери хотод Оросын тагнуулч асныг хордуулсан хэрэгт буруутган хориг тавьсан юм. Тэгвэл ОХУ-ын Ерөнхийлөгч Владимир Путиний хэвлэлийн төлөөлөгч Дмитрий Песков “Ерөнхийлөгч АНУ-ын шинэ хоригт хариу арга хэмжээ авах үүрэг өгөөгүй ч энэ нөхцөл байдалд АНУ-ын тавьсан хоригтой адил арга хэмжээ авах болно” гэжээ.

Оросын Холбооны зөвлөлийн мэдээлснээр ОХУ дээрх арга хэмжээнд хариу барихдаа бодолтой хандаж, эх орны үйлдвэрүүд хохирол амсахгүй байх хоригийг л тавина гэжээ. Түүнчлэн шинжээчид Оросын хариу хориг нь АНУ-ын хоригоос их хамгаалдаг, гамнадаг салбар руу нь чиглэх хэрэгтэй гэж үзэж байгаа аж.

“Хоригийн талаар сураг байгаа ч одоохондоо хэрэгжүүлээгүй байна” гэж Путиний хэвлэлийн нарийн бичгийн дарга Дмитрий Песков онцолсон байна. Тэрбээр мөн АНУ-д барих хариу арга хэмжээний талаар баттай мэдээлэл байхгүй учир ямар хориг байхыг хэлэхгүй гэжээ.

О.Чанцаа

WWW.ZINDAA.MN

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн (202.179.25.27) 2018 оны 08 сарын 15

Оросууд минь муусайн Янкуудад хариугийн сайн Барих хэрэгтэй Бүү бууж өг

0  |  0
Top