Александр Шепс Мэрилин Керрог хэнээр солив?
Оросын “ТНТ” телевизээр ирэх сарын 1-нээс “Зөн билэгтнүүд: Хүчтэнүүдийн тулаан” шоуны шинэ дугаар гарч эхлэх аж. Нэвтрүүлгийн эхний дугаарт гурван шинэ хүн чадвараа харуулах нь ээ. Тэд бол “Зөн билгийн тулаан”-ы 18 дахь дугаарын ялагч Константин Гецати болон “Тулаан”-ы шилдгүүд болох Соня Егорова, Александр Кинжинов нар юм.
Тэгвэл нэвтрүүлэгт “Зөн билгийн тулаан”-ы 14 дэх дугаарын ялагч Александр Шепс Соня Егороватай хамтран оролцох гэнэ. Александр “Хүчтэнүүдийн тулаан”-д өмнө нь экс найз бүсгүй Мэрилин Керротойгоо хамтран оролцож байсан юм. Эстонийн шулам гэгддэг Мэрилин саяхан амаржсан тул хүүдээ бүх цагаа зарцуулах болжээ.
Александр Шепс “Соня Егорова шиг гайхалтай “шулам”-тай хамтран ажиллахад маш таатай байна. Тэр ер бусын авьяаслаг, хүмүүст туслах хүслээр дүүрэн” гэж ярьжээ.
“Зөн билэгтнүүд: Хүчтэнүүдийн тулаан”-ы бүх оролцогч хүнд хэцүү нөхцөл байдалд орсон хүмүүст туслахын төлөө хичээх гэнэ.
О.Саша
Холбоотой мэдээ
Сэтгэгдэл ( 0 )