Ерөнхийлөгч Х.Баттулга Үндэсний номын сангийн өргөтгөлийн ажилд анхаарал хандуулна
“Үндэсний номын сангийн захирал Б.Ичинхорлоо: …Өвөг дээдсийн үлдээсэн оюун санааны тусгаар тогтнол усанд норж устахад ойрхон байна…”
Монгол Улсын Ерөнхийлөгч Х.Баттулга өчигдөр /2018.09.08/ Монгол Улсын Үндэсний номын сан буюу бидний хэлж заншсанаар төв номын сангийн үйл ажиллагаатай танилцлаа.
Анхлан 500 мянган номтой байхаар төлөвлөгдсөн номын сангийн байранд эдүгээ 3.6 сая гаруй ном судар, тэр дундаа Монголын ард түмний бичиг соёлын мөнхийн дурсгал бөгөөд Төв Азийн нүүдэлчдийн соёл иргэншлийн үнэт хэрэглэгдэхүүн болсон 1.5 сая гаруй ширхэг хуучны ховор, нандин ном судар хадгалагдаж байгаа юм байна.
Гэвч, Үндэсний номын сангийн захирал Б.Ичинхорлоогийн танилцуулснаар “…Бидний өвөг дээдсийн үлдээсэн оюун санааны тусгаар тогтнол усанд норж устахад ойрхон болсон” бөгөөд номын сангийн даац долоо дахин хэтэрч, хур бороо ихтэй байсан өнөө жил номын сангийн барилга урьд жилүүдээс илүүтэйгээр олон талаасаа усанд “нэвчих” болжээ.
Жишээ нь, зөвхөн Төвд номын фонд хэсэгт 1591 онд бүтээгдсэн Жамбалцанжид гэх цор ганц модон барын нугалбар судар, дэлхийн баримтат өвөөр бүртгэгдсэн “Монгол Шунхан Данжуур”, Богд хааны зарлигийн эх хувиуд зэрэг олон мянган ховор нандин ном, судрууд, түүхэн эх сурвалжууд хадгалагддаг. Гэвч, гал, усны өндөр эрсдэлтэй, хуучирч муудсан байрыг өнөө хэр нь засаж сэлбэхгүй байгаад сэтгэл зовниж байгаа талаар номын сангийн удирдлагууд Монгол Улсын Ерөнхийлөгч Х.Баттулгад танилцуулсан юм.
Мөн Үндэсний номын сангийн барилгыг шинээр барих шийдвэр гарсан ч төсөв, мөнгөний хүрэлцээгүй байдлаас болж барилгын ажлын явц удаашрах болжээ. Улмаар Үндэсний номын сангийн удирдлагууд 2013 онд барилгын өргөтгөлийн зураг төсөл хийлгэж, энэхүү ажилд нь 4.7 тэрбум төгрөг шаардлагатай гэж тооцоолсон байна. Үндэсний номын сангийн захирал Б.Ичинхорлоогийн хэлснээр 4.7 тэрбум төгрөг нь шинэ барилгын төсөвтэй харьцуулахад маш бага өртөгтэй тул эхний ээлжид яаралтай өргөтгөлийн ажлыг эхлүүлж, үнэт, хосгүй ном судруудаа хадгалах ёстой гэж үзэж байгаа юм. Хэдийгээр номын сангийн удирдлагууд жил бүр урсгал засвар хийж байгаа ч засвар авахгүй, усны нэвчилтийг зогсоох боломжгүй тул Засгийн газрыг Үндэсний номын сангийн өргөтгөлийн асуудалд анхаарч өгөхийг Монгол Улсын Ерөнхийлөгч Х.Баттулгаар дамжуулан хүслээ.
Мөн энэ үеэр Монгол Улсын Ерөнхийлөгч Х.Баттулга “Үнэт, хосгүй ном судруудыг хадгалах, хамгаалах асуудал тулгамдаж байгаа учраас газар дээр нь ирж үзье гэж бодсон юм. Шинэ барилгын явц удаашралтай байгаа тул 4 тэрбум гаруй төгрөгөөр одоогийн номын сангаа өргөтгөх боломж эрэлхийлж байгаа юм байна. Энэ бол арга ядсан л зүйл шүү дээ. 2012 оноос хойш шинэ барилга барих төсвийн асуудал удаашралтай явж ирсэн байна. Өргөтгөлийн хувьд ялгаагүй. Тиймээс энэ асуудалд олны анхаарлыг хандуулах болоод хөрөнгө, мөнгө босгох тал дээр анхаарч ажиллах бодолтой байна” гэсэн юм.
Мэдээний дүрсийг хүлээн авч үзнэ үү:
Эх сурвалж: Монгол Улсын Ерөнхийлөгчийн тамгийн газар
WWW.ZINDAA.MN
Холбоотой мэдээ
Сэтгэгдэл ( 6 )
Юу өмсцын бэ энэ ллар?! 280 сая АмДоллараар их ч ажил хийх байсан даа Монголын ядарсан ард...
Ene odoo buhiin urguund bgaa muu.
Ene hun nom harahaar ireegui baishingii yaj avahaa l bodoj ba
Ганжуурын алдагдсан нэр эх алга болсон. Тэр нь тэгээд олдсон юмуу? Олдоогүй юм уу? Аким даргын үед алдагдсан гээд шуугиад байсан. Энэ чинь ард түмний өмч Ард түмэндээ мэдээлээч. Хав дарчхаад л бахй юм. Мөн музейн олон олдвор алдагдсан гээд л байсан А.Очир гэдэг хүн шалгагдаж байгаа л гээд байсан . Энэ талаар яагаад дараад үгүй бол үгүй Буруутай бол яаж шийдсэн. Буруугүй бол тэдгээр хүмүүсийн нэрийг цэвэрлэх хэрэгтэй биздээ.
Монгол Төрийг Оросын хүргэн Hoodie өмсөждоромжилж байна.Цэргийн жагсаал футболктой нарын шилтэй хүлээн авч биднийг доромжилдог Загалмайлсан эцэгийн доромжлол дуусахгүй юм байна л даа.
mongolin ard tumnees handiw tsugluul,zew zohion baiguulbal bi ch egmeer baina