Европын кикбоксын таван удаагийн аварга бүсгүй угаартаж нас баржээ

  Оросын Абаканд 23 настай тамирчин Диана Каратеева эмгэнэлтэйгээр нас баржээ. Бүсгүй нүүрстөрөгчийн хийнд хордсон байна. Дианагийн цогцсыг найзууд нь олжээ. Бүсгүй зуухаа галлаад унтсан байсан аж. Тэрээр сэрсэн ч хаалгаа онгойлгох хүчгүй болсон байсан талаар ээж нь ярьсан байна.

Диана Каратеева Европын кикбоксын аварга шалгаруулах тэмцээнд таван удаа түрүүлж, ДАШТ-аас хүрэл медаль хүртэж байсан билээ. Тэрээр саяхан спортоо орхиж дасгалжуулагчийн ажил хийж эхэлсэн байжээ. Түүний үхлийг мөрдөн шалгах эсэх нь одоогоор тодорхойгүй байгаа аж.

О.Саша

WWW.ZINDAA.MN