НМХГ: Шатахуун түгээх станцуудад шалгалт явууллаа

Нийслэлийн мэргэжлийн хяналтын газраас Сонгинохайрхан, Баянгол, Сүхбаатар, Хан-Уул, Чингэлтэй дүүргийн нутаг дэвсгэрт үйл ажиллагаа эрхэлж буй Шинэ-Ундрага ХХК, “Магнай трейд групп”, “Тэс Петролиум”, “Сод Монгол”, “М-Ойл”, “Шунхлай”, “Петровис”, “Дашваанжил”, “Дрийм Газ”, “Гор Газ” зэрэг нийт 42 ШТС, АХЦС-уудын ариун цэврийн байгууламжид хяналт шалгалт хийжээ.

Шалгалтын урьдчилсан дүгнэлтээр таван аж, ахуйн нэгжид стандартын шаардлага хангасан ариун цэврийн байгууламж барьж ашиглах талаар албан шаардлага хүргүүлжээ. Мөн “М-Oil” ХХК-д Зөрчлийн тухай хуулийн холбогдох заалтыг үндэслэн 500 мянган төгрөгийн торгуулийн арга хэмжээ авчээ. Хяналт шалгалт үргэлжилж байна.

Б.ЦОГ

WWW.ZINDAA.MN