АТГ: Яам, агентлаг, нийслэл, дүүргийн эрх бүхий албан тушаалтнуудыг цуглуулна

Б.Гантуяа | Zindaa.mn
2018 оны 09 сарын 27

Авлигатай тэмцэх газраас төрийн захиргааны болон нутгийн захиргааны байгууллагуудад ажилладаг эрх бүхий албан тушаалтнуудыг 2018 оны  есдүгээр сарын 28-ны өдөр цуглуулан хэлэлцүүлэг зохион байгуулах гэж байна.

“Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийг бүртгэх, хадгалах эрх бүхий албан тушаалтны үйл ажиллагааны журам”, “Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн талаар мэдээлэх, мэдээлэл өгөх журам” болон “Албан тушаалтан өөрт ногдуулсан сахилгын шийтгэлийн талаарх мэдээллийг холбогдох этгээд болон нийтэд өөрийн зардлаар хүргэх арга хэмжээний журам”-ын төслийг Авлигатай тэмцэх газраас шинэчлэн боловсруулсан бөгөөд дээрх журмуудыг Захиргааны ерөнхий хуулийн 6 дугаар бүлгийн холбогдох зүйл, хэсэг, заалт болон Улсын Их Хурлын Хууль зүйн байнгын хорооны 2017 оны 01 дүгээр тогтоолд нийцүүлэн, захиргааны хэм хэмжээний актын улсын нэгдсэн бүртгэлд бүртгүүлэн хэрэгжүүлэх, мөн сонирхогч бүлгүүдээр хэлэлцүүлэх, тэдний санал бодлыг тусгах шаардлагатай байгаа аж.

Б.ЦОГ

WWW.ZINDAA.MN

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top