Жүжигчин М.Цэрэндолгорыг САЙН МОДЕЛЬ гэдгийг батлах 10 зураг

Түүнийг "Тютю” киноны гол дүр, жүжигчин Цэдо гэдгээр олон нийт нэгэнтээ мэдэх болжээ. ОХУ-ын театр, урлагийн дээд сургуулийг театр, кино жүжигчин мэргэжлээр төгссөн М.Цэрэндолгор жүжигчин, бүжигчнээс гадна чамгүй сайн модель гэдгээ сүүлийн үед батлан харуулах болов. “Яг түүн шиг” шоуны гуравдугаар улиралд оролцсон нь Цэдогийн нэр хүндийг улам өсгөсөн. Найруулагчид үүнийг л хүсдэг шүү дээ. Жүжиглэж, бүжиглэж, дуулахаас гадна гоо үзэсгэлэнтэй байна гэдэг гартаа алтан карт атгачихаад дэлгүүрээс хүссэнээ авч болохтой адил зүйл юм. Энэ олон давхардсан авьяасын эзэн зөвхөн монголоор хэмжигдэхгүйг бид түрүүчээс нь харж байгаа. Учир нь тэр ОХУ-д суралцаж байхдаа тансаг зэрэглэлийн гутал үйлдвэрлэлээрээ дэлхийн зах зээлд ноёрхдог luxury брэнд Christian Louboutin брэндийн нүүр царайгаар тодорсон нь ердөө шинэ оны эхээр болсон явдал. Christian Louboutin-ы инстаграм хуудсанд өвөрмөц тод будалт бүхий ази төрхтэй М.Цэрэндолгорын зураг байхыг харах бахархалтай байлгүй яахав. Энэ зун л гэхэд тэр ноолууран хувцасны "Говь", арьс арчилгааны YvesRocher, үндэсний брэнд Ялгуун, Есүй, үнэт эдлэлийн Manoe-гийн дүр төрхийг илэрхийлэн ажиллажээ. Тийм ч учраас М.Цэрэндолгорыг САЙН МОДЕЛЬ гэдгийг батлах дараах 10 зургийг сонирхуулъя.