Л.Сосорбарам мөнгөн медаль хүртлээ

Э.Тэргэл | Zindaa.mn
2018 оны 10 сарын 10

"Буэнос-Айрес - 2018" Залуучуудын III олимпийн наадмын 2 дахь өдөр өндөрлөлөө. Эхний өдөр жүдо бөхийн эрэгтэйчүүдийн 55кг жинд зодоглосон манай тамирчин Г.Тэмүүжин мөнгөн медаль хүртсэн бол өнөөдөр эмэгтэйчүүдийн 52 кг жингээс Л.Сосорбарам мөн мөнгөн медаль хүртэв.

"Буэнос-Айрес-2018" Залуучуудын олимпийн наадмын Монголын багийн ахлагч, Монголын үндэсний олимпийн хорооны Гүйцэтгэх зөвлөлийн гишүүн Ч.Амарсанаа баг тамирчдаа хүлээн авч хүндэтгэл үзүүлэв.

Энэ удаагийн наадмын жүдо бөхийн төрөлд Монгол улсаа төлөөлөн 2 тамирчин оролцож буй бөгөөд хоёул медаль хүртээд байна.

Манай тамирчид холимог багийн төрөлд мөн оролцох бөгөөд тэмцээн Улаанбаатар хотын цагаар маргааш /2018.10.10/ 21:00 цагт эхэлнэ.

Эх сурвалж: Zindaa.mn

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top