АНХААР: Та 1072 хувьцаагаа арилжих гэж байна уу

"Эрдэнэс-Таван толгой” ХК-ийн хувьцаа эзэмшигчдийн ээлжит хурал 2018 оны 4 дүгээр сарын 27-ны өдөр тус компанийн байранд нээлттэй болж, "Эрдэнэс Монгол” ХХК-ийн гүйцэтгэх захирал Ц.Түмэнцогт хувьцаа эзэмшигчдийн ээлжит хурлыг даргалж, иргэд аж ахуйн нэгжийн төлөөлөл бүхий 100 хувийн ирцтэйгээр хуралдсан.

"Эрдэнэс-Таван толгой” ХК тайлант хугацаандаа 461 тэрбум төгрөгийн ашигтай ажиллаж өмнөх онуудын хуримтлагдсан алдагдлыг хааж 36 тэрбум төгрөгийн хуримтлагдсан ашгийг бий болгосон бөгөөд улсын төсөвт 235.5 тэрбум төгрөгийн татвар хураамж төвлөрүүлсэн нь өмнөх онтой харьцуулахад 3 дахин өссөн үзүүлэлт юм. Санхүүгийн тайланд иргэд, аж ахуй нэгжийн нийт 11.2 их наяд төгрөгийн хувьцааг бүртгэж балансын нийт хөрөнгө 11.8 их наяд төгрөгт хүрсэн. "Эрдэнэс Таван Толгой” ХК 2017 онд 8.5 сая тонн нүүрс экспортолж 1.1 их наяд төгрөгийн ашигтай ажиллажээ. Мөн татварын ямар нэгэн өр дарамтгүй байгаа хэмээн мэдэгсэн. 1072 хувьцааны тухайд 2018 оны 4-р улиралаас амь орж, 2019 онд 1072 хувьцаа эзэмшигч нар ашиг хүртэж эхэлнэ гэсэн юм.

Иргэд 2018 оны дөрөвдүгээр улирлаас дансаа нээлгэж, хувьцаагаа бүртгүүлж, 2019 онд ногдол ашиг авахыг хүлээж буй.

1072 хувьцаа амь орох цагаар залилан, гэмт хэргийн шинжтэй үйлдлүүд энэ 7 хоногоос ажиглагдах болжээ. Жишээлбэл, 1072 хувьцаагаа зарах хүн байна уу, нэг ширхэгийг нь 3000-5000 төгрөгөөр худалдаж авъя гэх зэргээр мэдээлэл гарах болсон юм. Үүний хариуд, “Эрдэнэс-Таван толгой” ХК-иас өчигдөр /2018.10.10/ мэдэгдэл гаргалаа.

Мэдэгдэлд, “Эрдэнэс-Таван толгой” ХК-ийн иргэдэд эзэмшүүлсэн 1072 хувьцаатай холбоотойгоор нийгмийн цахим сүлжээнд зарим нэг худал ташаа мэдээлэл цацагдах боллоо. Тухайлбал, “Онлайнаар хувьцааны данс нээж байна, энд бүртгүүлж дансаа нээлгэнэ үү. 1072 хувьцааг худалдаж авч байна” гэх зэрэг зар мэдээлэл, цахим холбоосууд нь иргэдийг залилан мэхлэж болзошгүй гэмт хэргийн шинж чанартай байна. Иргэдэд эзэмшүүлсэн хувьцаа нь арилжаалах боломжгүй юм. Иймээс иргэд та бүхэн хувьцаатай холбоотой мэдээ, мэдээллийг найдвартай эх сурвалжаас буюу “Эрдэнэс-Таван толгой” ХК-ийн 1072 хувьцаа мэдээллийн төв”-ийн албан ёсны цахим хуудаст хандах буюу 1800-1072 дугаарт холбогдож авна уу. Мөн өөрийн биеэр хүрэлцэн ирж мэдээлэл авах боломжтойг мэдэгдье” гэсэн байна.


Тиймээс иргэд та бүхэн худал мэдээлэлд итгэж, хувийн мэдээллээ алдахгүй байхад анхаарна уу.

Г.Энх-Уянга

Эх сурвалж: www.zindaa.mn

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 1 )

л [ 66.181.165.212 ]      |     2018 оны 10-р сарын 10 -нд, 04:06 минутанд

Арилжаалах боломжгүй юм бол худалдаж болно гэсэн үг шд, хуулиа л дагах хэрэгтэй.

Go to top of page