Цагдаагийн алба хаагчид ууланд төөрсөн хүүгийн амь насыг аварчээ

Б.Гантуяа | Zindaa.mn
2018 оны 10 сарын 15

Өчигдөр буюу аравдугаар сарын 14-ны өдөр бага насны хүүхэд ууланд төөрсөн гэх дуудлагын дагуу Онцгой байдлын болон цагдаагийн алба хаагчид хамтран ажиллагаа явуулж таван настай хүүхдийн амь насыг авран хамгаалжээ.

Тодруулбал, Баянзүрх ууланд хүүхэд төөрсөн байна гэх дуудлагын дагуу Баянзүрх дүүргийн цагдаагийн 3-р хэлтсийн 65 алба хаагч, Онцгой байдлын хэлтсийн 87 алба хаагч ажиллаж, хэсгийн байцаагч, цагдаагийн ахлах дэслэгч Д.Наранбаатар, эргүүлийн офицер, цагдаагийн дэслэгч Э.Мөнхбаатар, хороо хариуцсан цагдаа, цагдаагийн дэд ахлагч Б.Мягмар нар ажиллагаа явуулсны дүнд Батсүхийн Тамирыг хаднаас гэмтээд, модноос дүүжлэгдсэн байхад нь олжээ. Хүүг олох үед ослын улмаас баруун хөл нь хугарч, осголтын байдалтай байсан гэх ба цагдаагийн алба хаагчид анхан шатны тусламж үзүүлж, хүүг эмнэлэгт хүргэжээ.

Б.ЦОГ

WWW.ZINDAA.MN

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (202.179.18.144)  2018 оны 10 сарын 16

цагдаа нартаа ажлын амжилт хүсье

0  |  0
Зочин (202.21.127.132)  2018 оны 10 сарын 15

Та бүхэндээ баяр хүргье Ажилд нь амжилт амьдралд нь аз жаргал эрүүл энхийг хүсье

0  |  0
Зочин (43.242.242.39)  2018 оны 10 сарын 15

Баяр хүргэе цагдаагийн албан хаагчиддаа. Мөн тус хүү болон Монголын нийт бяцхан үрсдээ аз жаргал, эрүүл энхийг хүсэн ерөөе~

0  |  0
Top