“Эрдэнэс Тавантолгой” ХК-ийн ТУЗ-ийг батлав

2018 оны 10 сарын 19

"Эрдэнэс Тавантолгой” ХК-ийн Хувьцаа эзэмшигчдийн ээлжит бус хурал өнөөдөр /2018.10.19/  компанийн байранд боллоо. Өнгөрсөн есдүгээр сарын 26-нд хурлыг анх товлон зарласан ч ирц бүрдээгүйн улмаас хойшилж, энэ сарын 8-нд хуралдсан юм. Эл хурлаар "Компанийн дүрмийн шинэчилсэн найруулгыг батлах” болон Засгийн газрын 245-р тогтоолын хэрэгжилтийг хангах бусад асуудлын хүрээнд "Тогтоолын хэрэгжилтийг хангах”, Төлөөлөн удирдах зөвлөлийн гишүүдийн бүрэн эрхийг дуусгавар болгох” асуудлыг тус тус хэлэлцэн баталсан. Гэхдээ саналын эрхгүй боловч хуралдаанд идэвхитэй оролцсон хувьцаа эзэмшигч иргэд ТУЗ-ийн хараат бус дөрвөн гишүүнийг томилох асуудлыг хойшлуулах санал гаргасанд хүндэтгэлтэй хандаж, хуралдаан завсарласан юм.

Ингээд дараагийн хурлыг аравдугаар  сарын 19-ний өдөр хийхээр хуулийн дагуу зарлан мэдээлсний учир өнөөдөр үргэлжлэн хуралдлаа.

Хуралдаанаар Компанийн тухай хуульд заасан ”ТУЗ-ийн гишүүдийг санал хураах кумулятив аргаар бүрэлдэхүүнээр сонгох тухай” шаардлагад нийцүүлэн ТУЗ-ийн төрийн төлөөллийн болон хараат бус гишүүдийг сонгох асуудлыг хамтад нь хэлэлцэн шийдвэрлэлээ.


"Эрдэнэс Тавантолгой" ХК-ийн Төлөөлөн Удирдах Зөвлөлийг
дараах бүрэлдэхүүнтэй сонгон баталжээ

1. Г.Нандинжаргал /УУХҮЯ-ны Төрийн нарийн бичгийн дарга/

2. У.Бямбасүрэн /Засгийн газрын хэрэг эрхлэх газрын Дэд дарга/

3. С.Наранцогт /Сангийн яамны Төрийн нарийн бичгийн дарга/

4. Р.Мэргэн /Зам тээврийн хөгжлийн яамны Төрийн нарийн бичгийн даргын үүрэг гүйцэтгэгч/

5. Н.Баярчимэг /УУХҮЯ-ны Хуулийн хэлтсийн дарга/

6. Ц.Баяр-Эрдэнэ /Төрийн өмчийн бодлого, зохицуулалтын газрын Бодлого төлөвлөлт, удирдлагын хэлтсийн дарга/

7. Б.Ганхуяг /”Эрдэнэс-Тавантолгой” ХК-ийн Гүйцэтгэх захирал/

8. Ц.Ганболд /Монголын хуульчдын холбооны Тамгын газрын дарга/

9. Х.Болор-Эрдэнэ /”Монголросцветмет” компанийн захирал асан/

10. Р.Бурмаа / УИХ-ын гишүүн асан/

11. П.Өлзийнаран /Уул уурхайн инженер, эдийн засагч/

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top