Ахлах ахлагч агсан Д.Батсайханы ар гэрт ирэх лхагва гарагт байр олгоно

Албан үүргээ гүйцэтгэж яваад амь насаа алдсан Сүхбаатар дүүргийн Цагдаагийн II хэлтсийн эргүүлийн цагдаа, ахлах ахлагч Д.Батсайханд төрөөс олгох байрыг ирэх лхагва гарагт буюу аравдугаар сарын 24-нд хүлээлгэн өгөхөөр болжээ. Энэ сарын 19-ний өдөр буюу өнгөрсөн баасан гарагт Д.Батсайханыг сүүлчийн замд нь үдэх ёслолд Монгол Улсын Ерөнхий сайд У.Хүрэлсүх оролцохдоо байр олгохоо уламжилсан юм.

Түүнчлэн Цагдаагийн ерөнхий газрын даргын аравдугаар сарын 16-ны өдрийн тушаалаар талийгаач Д.Батсайханы гэр бүлд 76 сая төгрөгийн тэтгэмж олгох болсон билээ.

Б.Азаа

zindaa.mn