“Ээж” киноны од, Туркийн алдарт жүжигчин Гонжа Вуслатери

  Туркийн “Ээж” олон ангит кино орон орны үзэгчдийн сонирхлыг татдаг. Киноны гол дүр болох ухаалаг хэрсүү, хайр татам охин Мелекийн ээж Шулег хараад хүн бүр өөр өөрсдийнхөөрөө дүгнэдэг байх. Заримдаа үзэн ядалт төрүүлдэг ч заримдаа хүлээн зөвшөөрөхөөс аргагүй сэтгэгдэл төрүүлдэг ээжийн дүрийг гайхалтай чадварлаг бүтээсэн жүжигчин Гонжа Вуслатеригийн талаар таны мэдэхгүй 8 баримтыг дэлгэе.

• Гонжа Вуслатери 1986 оны есдүгээр сарын 2-нд Туркийн Бурса хотод төрсөн. Бүсгүй хэд хэдэн театрт тоглохын хажуугаар киноны гол дүр болон рекламд тоглох саналд байнга дарагддаг.

• Тэрбээр нэг удаа хэзээ ч турк эрэгтэйгээс хүүхэд төрүүлэхгүй гэж мэдэгдэж байжээ. Түүний энэ үг олныг жинхэнэ гайхашруулсан гэнэ.
  

• Гонжагийн угсаа гарал нь албани. Аав нь цэргийн хүн гэж бүсгүй ярьж байжээ. Харин ээжийнхээ талаар огт ярьж байгаагүй гэнэ.

• Гонжа Вуслатери 2016 оны арванхоёрдугаар сарын 31-нд Туркийн жүжигчин Бурак Эртогантай Тайландад нууцаар хуримлажээ. Харин өнгөрсөн өвөл тэднийг салсан гэх мэдээлэл гарсан байна.

• Тэрбээр одоо Истанбул хотод эгчтэйгээ амьдардаг гэдгээс өөр хувийн амьдралынх нь талаарх мэдээлэл бараг байдаггүй.
  

Туркийн киноны 100 жилийн ойн тоглолт. Гонжа Вуслатери-Миний бодол

• Гонжа жүжиглэхээс гадна зохиол бичдэг. Тэрбээр шүлгийн номоо гаргаж байжээ. Мөн радиод хөтлөгчөөр ажиллаж байсан. Хөтлөгч хийж байхдаа хоолойгоо гэмтээсэн тул эмчилгээнд явж байсан. Гэхдээ удалгүй хоолойгоо эмчилж, тайзан дээр дуулах өдрүүд түүнд иржээ.
  

• Гонжа Вуслатери есөн настайгаасаа жүжиглэх урлагт суралцжээ. Харин ээж нь Гонжа болон түүний эгчийг зураач болгохыг хүсч байсан гэнэ. Тэдний гэр бүл санхүүгийн боломжгүйгээс болж охиноо зураачаар сургаж чадаагүй ч Гонжа Вуслатери Туркийн алдартай жүжигчин болж чаджээ.
  

• Гонжа бүтээсэн дүрүүдээрээ маш олон шагнал хүртсэн. Тэр хэд хэдэн удаа оны шилдэг жүжигчин болсон.

О.Чанцалдулам