Деми Мур Эштон Катчераас салаад ямар байдалд хүрснээ анх удаагаа ярив
Холливудын нэрт жүжигчин, 55 настай Деми Мур Эштон Катчераас салсныхаа дараа сэтгэлзүйн хүнд цохилтод орсон тухайгаа анх удаа ний нуугүй ярьжээ.
“Өөрөө өөрийгөө хөнөөх зам руу би гэнэт л орж, тэр замаар маш эрчтэйгээр уруудсан. Өөрийгөө үнэлэх үнэлэмж хамгийн доод түвшинд хүрсэн. Маш богино хугацаанд хамгийн ёроолд ойчсон” гэж Деми Мур өгүүлсэн байна.
Эштон Катчераас салснаас хойш Деми Мур олны нүдэнд бүх зүйл хэвийн, жаргалтай байгаа мэт дүр эсгэхийг хүсчээ. Гэвч түүний амьдрал нэг цэнгээнээс нөгөө цэнгээн рүү дарвисан, хар тамхи, согтууруулах ундаанд донтоход хүрсэн юм. Мөн энэ хугацаанд хоол идэх дуршил огт үгүй болжээ. Ингээд 2012 оны эхээр гэртээ бие нь маш муу байхад нь олж эмнэлэгт яаралтай хүргэсэн юм.
“Үнэнээ хэлэхэд, тэр үед миний өмнө үхэх үү, өөрчлөгдөх үү? гэсэн асуулт тулсан. Азаар би эмнэлэгт сэтгэлийн шаналал, асуудлыг минь ойлгож, эмчилж чадах хоёр эмэгтэйтэй танилцсан” хэмээн Деми Мур ярьж байна.
2011 оны сүүлчээр Деми Мур хуримынхаа ойн өдрөөр түүний нөхөр Эштон Катчер өөр эмэгтэйтэй наргиж явсныг мэдсэн юм. Тэгэхэд Деми Мур 48 настай, харин Эштон Катчер 23-тай байлаа.
Холбоотой мэдээ
Сэтгэгдэл ( 3 )
Монголын ”Тэн тэнгүй ачаа тэмээ малын зовлон,тэнцвэргүй амраг хоёр биендээ зовлон” гэсэн үгийг л баталж өгсөн байна.Ойлгосонгүй юу.
Ингээд л болоо юу, үргэлжлэл алгуу? Гол утга юу юм бэ
Цагын юм цагтаа, ойлгомжтой асуудал байсан гэж бодож байна