ТОД-ЭЙЧ: Өсөлтийг дэмжих нэг хүчин зүйл нь ӨСӨЛТИЙН ДААВРЫН эмчилгээ юм

Э.Тэргэл | Zindaa.mn
2018 оны 11 сарын 07

 “Тод-Эйч” хүүхдийн өсөлтийн клиник нь Монголдоо анх удаа хүүхдийн өсөлт бойжилттой холбоотой бүхий л үзлэг оношилгоог цогцоор нь хийж, хариунд тулгуурлан хүүхэд бүрт тохирсон өсөлтийн эмчилгээ хийдэг билээ. Энэ удаа “ТОД-ЭЙЧ” хүүхдийн өсөлтийн клиник ЭУТРОПИН буюу Өсөлтийн дааврын эмчилгээг Монголдоо хийж эхэлж буйтай холбоотойгоор хүүхдийн эмч А.Цэрэннямтай ярилцаж, ӨСӨЛТИЙН ДААВРЫН талаарх дэлгэрэнгүй мэдээллийг авлаа.


-“ТОД-ЭЙЧ” хүүхдийн өсөлтийн клиник ЭУТРОПИН буюу Өсөлтийн дааврын эмчилгээг Монголд хийдэг болжээ. Юуны түрүүнд өсөлт гэж юу вэ гэдэг талаар товчхон тайлбарлаж, энэ талаарх холбогдох мэдээллийг үргэлжлүүлэн хүргэнэ үү?

-Өсөлт гэдэг бол бие махбодийн органик бодисын хэмжээ нэмэгдэж, биеийн бүтцийн үндсэн нэгж болох эсийн тоо нэмэгдсэний улмаас хүүхдийн биеийн жин болон өндөр нэмэгдэх үзэгдлийг хэлнэ. Өсөлт нь өсөлтийн дааврын нөлөөгөөр явагдана.

-Хүүхдийн өсөлтөд амин дэмийн дутагдал, нойр, удамшил тэр бүү хэл гэр бүлийн стресс хүртэл нөлөөлдөг гэх юм. Хамгийн гол хүчин зүйл юу байна?

-Эдгээр хүчин зүйлүүд бүгдээрээ чухал нөлөөтэй. Бид эмнэлгийнхээ уриаг "Өсөлт бол эрүүл бие, хоол тэжээл, дасгал хөдөлгөөн, нойр, стрессгүй байхын нэгдэл" юм гэж тодорхойлсон нь эдгээрийг бүгдийг нь чухал хүчин зүйл гэдгийг харуулж байгаа юм. Эдгээр зүйлүүд нь бидний өдөр тутмын амьдралын хэв маягаас ихээхэн хамаардаг.

-Өсөлтийн дааврын талаар танилцуулбал?

-Өсөлтийн даавар нь өнчин тархины өмнөд хэсгээс ялгарна. Хүний өсөлтийн даавар нь 191 аминхүчлийн үлдэгдлээс тогтсон полипептид бөгөөд бие махбодийн бодисын солилцоонд нөлөөлөн өсөлтийг зохицуулдаг. Өсөлтийн даавар нь өнчин тархины хамгийн их хэмжээтэй даавар гэж үздэг бөгөөд өнчин тархин дахь хэмжээ нь 5-15 мг/г байдаг бол бусад төрлийн дааврууд нь мкг/г-аар хэмжигдэх төвшинд буюу бага байдаг.


/Өмнөд Солонгосын LG CHEM компаниас сургалт авч буй үеийн зураг/

Цусны сийвэн дэх өсөлтийн дааврын хэмжээ богино хугацаанд маш их өөрчлөгдөн хэлбэлздэг бөгөөд унтаж эхлэнгүүт хамгийн ихээр ялгарч, хамгийн өндөр төвшинд хүрдэг. Үүнээс гадна өсөлтийн дааврын ялгарлыг өдөөгч хүчин зүйлд өвдөлт, даарах, сэтгэл түгших, мэс засал, биеийн хэт ачаалал, цусны сахар цочмог багасах, өлсгөлөн, хэт уурлах гэх мэт сэтгэл хөдлөлийн сөрөг хүчин зүйлүүд ч багтдаг. Гэхдээ эдгээр сэтгэл хөдлөлийн сөрөг хүчин зүйлүүд нь хүүхдэд байнгын чанартайгаар тохиолдвол өсөлтийн дааврыг хэт ихээр ялгаруулж, эмгэг үүсгэж болно.

Өсөлтийн дааврын шууд нөлөө нь хүүхдийн урт ясны өсөлтийн төгсгөлд анхдагч мөгөөрсний хондроцит хуваагдан, ялгаран хөгжихөд их нөлөөлдөг. Ясны ургалтыг нэмэгдүүлнэ, мөгөөрс үүсэлтийг нэмэгдүүлнэ, эсийн хуваагдлыг эрчимжүүлнэ, эсийн ялгаран хөгжилтийг эрчимжүүлнэ. Өсөлт нэмэгдэнэ.


Өсөлтийн дааврын шууд бус дам үйлчилгээ нь инсулин төст өсөлтийн хүчин зүйл ( IGF-1)-ийн хэмжээг нэмэгдүүлдэг. Өсөлтийн дааврын нөлөөгөөр элгэнд нийлэгждэг бөгөөд инсулин төст өсөлтийн хүчин зүйлийг холбогч уураг ( IGFBP-3)- тай холбогдож, өсөлтийг дэмждэг. Мөн нүүрс ус, өөх тос, азот болон эрдсийн солилцоог хэвийн байлгаж, булчингийн масс, ясны нягтыг нэмэгдүүлдэг.

Өсөлтийн даавар, инсулин төст өсөлтийн хүчин зүйл нь Гипоталамусаас ялгарах гонадолиберины ялгарлын хэмжээг ихэсгэснээр бэлгийн хэвийн ялгаран хөгжлийг хангана.

Сүүлийн жилүүдэд дэлхий даяар хүний дундаж өндөр нэмэгдэж, өндөр нь хүний ажил мэргэжлээ сонгох, өөртөө итгэх итгэлийг нь нэмэгдүүлэх, спортын олон төрөлд амжилт гаргахад нөлөө үзүүлж байгаа учраас өндрөө нэмэгдүүлэх хүсэлтэй, хүүхдүүдийнхээ өндөрт санаа зовних эцэг эхчүүд олширсон нь өсөлтийн дааврын хэрэгцээ шаардлагыг нэмэгдүүлж байна.

Иймд өсөлтийн даавар эмчилгээ шаарддаг эмгэгүүдээс гадна өндрөө нэмэгдүүлэх зорилготой хэн бүхэнд өсөлтийн даавар эмчилгээг хийлгэх боломжийг олгож байгаа юм. БНСУ-ын Эутропин дааврын зах зээлийн 55 хувийг өндрөө нэмэгдүүлэх зорилгоор хийлгэж байгаа хүүхдүүд эзэлж байгаа нь үүний нотолгоо юм.


Эутропин - Рекомбинант өсөлтийн даавар

Эутропин нь рекомбинант ДНХ-ийн полипептид даавар бүхий биосинтетикийн аргаар гарган авсан соматотропин юм. Эутропинийг зургаан төрлийн өсөлтийн эмгэгийн эмчилгээнд хэрэглэж байгаа бөгөөд долоо дахь эмгэг буюу Прадер Виллийн синдромын үед хэрэглэсэн. Судалгаа сайн хийгдсэн. 2019 оноос албан ёсоор хэрэглэж эхэлнэ. Дараах өвчнүүдийн үед хэрэглэх заалттай бөгөөд тус бүрийн тун өөр өөр байдаг.

  1. pGHD = Хүүхдийн өсөлтийн дааврын дутагдлын улмаас үүссэн намхан байдал

  2. aGHD = Насанд хүрэгчдийн өсөлтийн дааврын дутагдлын улмаас үүссэн намхан байдал

  3. TS = Турнерын синдром

  4. SGA = Жирэмсний үеийн дутуу бойжилтоос үүссэн намхан байдал

  5. ISS = Шалтгаан тодорхойгүй намхан байдал

  6. CRF = Бөөрний архаг дутагдлын улмаас үүссэн намхан байдал

  7. PWS = Прадер Виллийн синдром

Эсрэг заалт:

  • Чихрийн шижин өвчин

  • Бүх төрлийн хорт хавдар

-Та бүхний хамтран ажилладаг Өмнөд Солонгосын LG CHEM компанийн талаар тодруулж өгнө үү?

-LG Chem (Life Sciences Chem) нь өсөлтийн дааврын эмчилгээнд дэлхийд манлайлагч шилдэг компани юм. 1992 оноос Өмнөд Солонгосын зах зээлд нэвтэрсэн. Өөрийн байр сууриа хадгалсаар байгаа. Дэлхийн 15 оронд экспортолдог бөгөөд манай улсад 2018 оны есдүгээр сараас эхлэн албан ёсоор нэвтрүүлж, ДиЖиБи ХХК оруулж ирсэн юм.

Эцэг, эхчүүд та бүхэн “Тод-Эйч” хүүхдийн өсөлтийн клиникт хандаж, хүүхдийн өсөлт бойжилттой холбоотой үзлэг, шинжилгээнд хамрагдаарай.  Мэргэжлийн эмч нар таны хүүхдэд тохирсон өсөлтийн эмчилгээ санал болгож, шаардлагатай бол өсөлтийн дааврын эмчилгээг дээр дурдсанчлан мэргэжлийн өндөр түвшинд хийх болно.

 

Сэтгэгдэл ( 10 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Bayrmaa(139.5.218.113) 2023 оны 01 сарын 19

Yaj ene emchilgeend onshluulah ve emneleg haana baidag ve

0  |  0
tvmvcl(66.181.161.74) 2023 оны 01 сарын 05

osoltiin taria hed gedeg we vne mongold ene baiguullaga hiideg uu

0  |  0
Зүчи(202.126.89.155) 2022 оны 01 сарын 05

Би энэ жил 19 хүрэн одоо 160см яаж өсөх вэ

0  |  0
Suwdaa(172.69.252.142) 2023 оны 07 сарын 12

Sain bnuu ene tarianii gaj nuluunii talaar medeelel bas uguh estoi bhaa \nHvvhed mongo oloh arga bish \nOlon ulsiin sudalgaa enteriin bas oruulj uguurei \nEtseg ehchvvd bas hvvhedee bodood sain sudalj vzeerei sain undur bolgodn geheer manaihan ih shuurah yumaa hvvhediinhee undurt sanaa zowdog shigee ene tarianii gaj nuluu enteriin sudalj vzeh heregtei

2  |  0
Baysaa(172.69.252.142) 2021 оны 09 сарын 12

ene daawriin tarianii gaj nuluu enteriin sain bas helj uguh heregtei bnaa \nih sain taria enter geheesei ilvv gaj nuluu busad sudalgaa enteriin orchuulj medeeleh heregtei bhaa hvvhed bol mongo oloh hereglel bish gej bodoj bn

0  |  0
Zochin(66.181.191.12) 2020 оны 08 сарын 20

Sainaa ymar vitamin uusan be?

0  |  0
Sainaa(192.82.71.160) 2023 оны 07 сарын 17

Bi ene emnelegt ocij bsn.16nastai bhdaa 166 bsn shinjilgee ugtul ci 169 l bolno usult cin jiliin daraa zogson enee teree geel ym yrisan tgd vitimanin avaad uusan neeh sain usuugui tgd haysan odoo yg 1jil bolj bn odoo bi 173cm usultiin zoon mani zogsooq uuruu sungalt dasgal deglem noiroo zohitsuulad suulin 1sard 2cm usluu. Mun tarhia hugjuul tarhi cin hugjuud tomruul cinii biy ch gsn dagaad usnu gsn ug zgr l eruul hool huns dasgal sungalt noir chuhal shuu.Bas vitiman nemelteer zaaval vitiman uugarai.Daavar arga demii arga dotood erhten tomrono surug nuluu ihte zuil.

6  |  1
Нарантуяа(66.181.161.95) 2020 оны 05 сарын 02

Сайн байнуу энэ эмнэлэг нь одоо үйл ажиллагаа явуулж байгаа болов уу холбогдох утасны дугаарыг нь өгөөч

0  |  0
Баттулга(202.126.89.219) 2024 оны 01 сарын 26

15 настай бахдаа 135 бж бгаад 158 болтол өсөөд тэрнээс хойш 17 нас хүртэл 3 см өслөө энэ ютай холбоотой вэ мөн насанд хүрэгчидэд зориулсан өсөлтийн гормон дэмжих эм байдаг болвуу

2  |  0
Байгалма(66.181.177.41) 2018 оны 11 сарын 19

Хүүхэд маань 15 настай эмэгтэй 2 жил өссөнгүй 168см. Шинжиогээ өгч тохирсон зөвөлгөө авхын тулд юу юу шаарлагтай бол?

0  |  0
Top