Цагдаагийн ахмад Н.Отгонбаатар аваргын бүс зүүлээ
Монгол Улсын Цагдаагийн ерөнхий газрын Тусгай ажиллагааны газрын ажилтан, цагдаагийн ахмад Н.Отгонбаатар "Dragon house" холбооны тэмцээний 70 кг-ын жинд аваргаллаа.
Тэрбээр аваргын бүсний төлөө өчигдөр /2018.11.11/ Бразил улсын тамирчин Игорь Понтензтой тулалдан, монгол хүний, цагдаагийн алба хаагчийн тэсвэр тэвчээр, ур чадварыг харуулан, өрсөлдөгчөө хүнд цохилтоор буулгаж авсан юм.
Н.Отгонбаатар 2009 онд БНХАУ-д болсон MMA Fight дүрэмгүй зодооны аварга, 2010 онд Санда боксын УАШТ-ий алтан медаль, 2010 онд Армийн гардан тулааны Азийн нээлттэй цомын аварга, 2010, 2015 онд "Монгол зоо" каратегийн тэмцээний 2 удаагийн аварга, 2010, 2012 онд "Сонсогчийн алдар" тэмцээний 2 удаагийн аварга, 2010 онд MGL-1 тулааны дэд байр, 2014 онд Кёкушёнка каратегийн ази тивийн мөнгөн медаль, 2014 онд Хятад Монголын MMA халз тулааны аварга болж, 2015 оны Байлдааны самбо бөхийн УАШТ-ий алтан медалийг тус тус хүртэж байсан Монголд болон тив дэлхийд эх орныхоо нэрийг гаргасан тулаанчдын нэг юм.
Цагдаагийн ахмад Н.Отгонбаатар цагдаагийн байгууллагад 11 дэх жилдээ ажиллаж буй чадварлаг алба хаагч, тамирчин билээ.
Холбоотой мэдээ
Сэтгэгдэл ( 0 )