МЭХ: 13 настай охиныг хөнөөсөн хэргийн шүүх хурлын үеэр жагсана
Монголын эмэгтэйчүүдийн холбоо /МЭХ/-ноос өнөөдөр (2018.11.15) мэдээлэл хийлээ. Тус холбооноос “Очир” төвд амиа алдсан 13 настай охины дурсгалыг хүндэтгэж, түүнд тохиолдсон хэргийг үнэн мөнөөр шийдэхийг хүсч, арваннэгдүгээр сарын 21-нд жагсахаар болжээ. Энэ өдөр нийслэлийн Баянзүрх дүүргийн шүүхэд эл хэрэгт холбогдсон сэжигтнүүдийг шүүх хурал болох юм.
Монголын эмэгтэйчүүдийн холбоо “Хүчирхийллийг хүчгүйдүүлье” тайван жагсаал хийгээд зогсохгүй хэргийг үнэн зөв шийдэгдтэл гишүүд болон гишүүн байгууллагуудын төлөөллийг хамруулан эсэргүүцлийн хөдөлгөөн өрнүүлнэ гэлээ.
Тус холбооны удирдлагууд охины аминд хүрсэн этгээдүүдийн ялыг хөнгөрүүлэх, ялаас мултрах байдал бий болгох нь нийгэмд шударга ёсны үнэлэмжид сөрөг нөлөөтэй тул зориуд анхааралдаа авах нь зүйтэй гэж үзэж, дээрх жагсаалыг зохион байгуулахаар болсныг хэллээ. Мөн "13 настай охиныг архи уусан, биеэ үнэлэгч байсан мэтээр нэр төрд нь халдаж байгаа учраас эмэгтэйчүүд, ээжүүд дуу хоолгойгоо нэгтгэж байгаа" гэж хэвлэлийн хурлын үеэр онцолсон. Хэвлэлийн бага хуралд талийгаач охины эмээ С.Оюунцэцэг мөн оролцсон юм.
Д.ДАМДИН
www.zindaa.mn
Д.ДАМДИНДОРЖ
Холбоотой мэдээ
Сэтгэгдэл ( 6 )
Талийгаачийн эмээгээс өөр ар гэрийн хүмүүс байдаггүй юмуу.
Үндсэн хуулинд параламентаа 2 танхимтай болгох эсвэл ёрөнхийлөгчийн засаглалтай болж төрийн ажилд хяналт тавихгүй бол төр мухардалд орлоо
Хөөрхий охины ар гэрийг ашиглан ашиг хонжоо хайсан нэр дэвшихийг хүсэгчид мөн ч их шоу хийж бна даа
Zov tegej arga hemjee avah heregtei, buhel buten hun alchihaad ooroo uhsen gesen um yriad baigaa humuus ylaa uureh heregtei
Zuv zuv. Aluurchdiig herhen unen zuv shuuhiig hartsgaay! Demjij bna.
Дэмжиж байна . Жагсаалд очиноо