ДАРХАН: ​Сансрын нисэгчдийн хөшөөг 37 жилийн дараа сэргээн засварлалаа

Автор | Zindaa.mn
2018 оны 11 сарын 16

  Монгол, Оросын найрамдалт хамтын ажиллагааны 58 жилийн ойн хүрээнд өнөөдөр /2018.11.15/ Дархан хотод 37 жилийн өмнө босгосон “Сансрын нисэгчдийн хөшөө”-г Дархан Зангилааны хамт олон, “Хас жинст” ХХК-тай хамтран сэргээн засварлаж иргэддээ хүлээлгэн өглөө. Тэртээ 1981 оны 3 дугаар сарын 22-нд Бүгд Найрамдах Монгол Ард Улсын иргэн Жүгдэрдэмидийн Гүррагчаа, Зөвлөлт холбоот Улсын баатар Владимир Александрович Жанибеков нар сансарт ниссэн түүхэн үйл явдлыг мөнхжүүлэх үүднээс Дархан-Уул аймагт “Сансрын нисэгчдийн хөшөө” –г 1981 онд босгосон түүхтэй юм байна. Гэвч өнөөдрийг хүртэл энэхүү хөшөөг сэргээн засварлаагүй ажээ.

Дархан нутгийн түүх соёлын дурсгалуудын нэг болох энэхүү хөшөөг барих санаачилгыг Дархан зангилааны төмөр замчид гаргасан бөгөөд тус саналыг зангилааны МАХН-ын хорооны дарга З.Даржаа дэмжиж, төмөр замчид өөрсдийн хүч хөрөнгөөр СОЮЗ-39 сансрын хөлгийг дуурайлган тухайн үеийн Зөвлөлтийн барилгын нэгдүгээр трестийн барилгачидтай хамтран 1981 онд босгожээ. 37-н жилийн өмнө босгосон энэхүү хөшөөний засварыг ирэх жилүүдэд аймаг орон нутагтайгаа хамтран үргэлжлүүлэх юм байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
дархан(64.119.21.138) 2018 оны 11 сарын 16

Дарханы вokзалын бие үнэлэгчид яг наад хөшөөний хажууд сууцгаадаг байсан..

0  |  0
Top