“Авьяаслаг британичууд” шоуны оролцогч доромжлуулснаас болж амиа хорложээ
Английн Корнуоллоос “Авьяаслаг британичууд” шоунд оролцсон 16 настай Трикси Харт амиа хорложээ. Алдарт Сьюзан Бойл, Пол Поттс, Жонатан Антуан нарыг гаргаж ирсэн энэхүү шоу Триксиг алдарт хүргэж чадаагүй гэхэд болно. Охин амжилт үзүүлж чадаагүй ч хүмүүс цахимаар түүнийг шоолох болжээ. Триксигийн хоолой, бие болон хувцаслалтыг нь шоолж, охин бүх цахим хаягаа устгасан байна. Ингээд ч тэрээр сэтгэлээр унахаа зогсоож чадаагүй аж. Хүмүүс өөрийнх нь талаар юу ярьж байгаад үргэлж анхаарлаа хандуулж байжээ.
Тэрээр “Авьяаслаг британичууд” шоунд оролцохоосоо ч өмнө сэтгэлзүйн асуудалтай байсан аж. Охин анхаарал сулрах хам шинж болон хувь хүний эмгэгтэй байжээ. Үүнээс нь болж охиныг гэрээр сургаж байсан гэнэ. Түүнийг цахимаар доромжлох болсон нь байдлыг улам дордуулжээ. Тийнхүү Трикси нэг өдөр эцэг эхийгээ ажилдаа явсан хойгуур амиа хорлосон байна.
Тэрээр өнгөрсөн есдүгээр сард нас барсан талаар эмээ нь ярьжээ. Трикси байнга уйлж, интернетэд өөрийнх нь талаар бичсэн зүйлүүдийг уншиж, дуулахаа больсон байсан аж.
Холбоотой мэдээ
Сэтгэгдэл ( 2 )
mongold iim zuil garahad oirhon bgaashuu
ямар харамсалтай юм бэ. Зайлуулдаа, хөөрхий гэж ум ма ни бад мэ хум