“НИК”, “M-Си-Эс Кока-Кола” компанийг давамгай байдалтай аж ахуй эрхлэгч гэж үзжээ

 

Шударга өрсөлдөөн, хэрэглэгчийн төлөө газрын 2018 оны III хуралдаан өчигдөр /2018.12.05/ болж, дараах гурван асуудлыг хэлэлцэн шийдвэрлэсэн байна. Үүнд:

  1. “Таван богд кашмер” ХХК, “Ти Би Шэйр” ХХК болон “Эф Си Ай” ХХК-ийн нэгдэх, нийлэх замаар өөрчлөн байгуулагдахад дүгнэлт гаргах,

  2. Газрын тосны бүтээгдэхүүний зах зээлд давамгай байдалтай аж ахуй эрхлэгчийг тогтоох судалгаа гаргах,

  3. Хийжүүлсэн ундааны зах зээлд давамгай байдалтай аж ахуй эрхлэгчийг тогтоох судалгаа гаргах зэрэг багтжээ.

Хуралдааны явцад Захиргааны ерөнхий хуульд заасан журмын хүрээнд сонсох ажиллагаа явуулж, хэлэлцсэн асуудал тус бүрт эрх, ашиг сонирхол нь хөндөгдөж буй аж ахуйн нэгж, байгууллагын төлөөллийг оролцуулан тайлбар, саналыг нь сонссон байна. Тухайлбал “Таван богд кашмер” ХХК, “НИК” ХХК-ийн удирдлага, холбогдох албаны төлөөлөл оролцлоо.

Хэлэлцэгдсэн асуудлыг Хуралдааны дарга, гишүүд дэмжиж, гурван тогтоол гаргахаар шийдвэрлэсэн юм.

Тухайлбал “Таван богд кашмер” ХХК, “Ти Би Шэйр” ХХК болон “Эф Си Ай” ХХК-ийн нэгдэхийг зөвшөөрсөн дүгнэлт гаргаж шийдвэрлэсэн бол газрын тосны бүтээгдэхүүний 90-ээс доош октантай автобензины зах зээлд “НИК” ХХК-ийг, хийжүүлсэн ундааны зах зээлд “M-Си-Эс Кока-Кола” ХХК-ийг тус тус давамгай байдалтай аж ахуй эрхлэгчээр тогтоож, давамгай байдалтай аж ахуй эрхлэгчийн бүртгэлд бүртгэх шийдвэрийг тус тус гаргасан байна.

Эх сурвалж: ШӨХТГ

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 3 )

Зочин [ 59.153.114.205 ]      |     Пүрэв, 07:55 минутанд

Яриад яахав дээ энэ байгууллага .юу ч хийж чадахгүй ард түмний эрх ашгийн төлөө хийсэн юм байхгүй цалин авсан хүмүүс л байдаг шүү дээ Магнай. Аюурсайхан хоёр овоо дорвитой дугарчихдаг нөхдүүд байсан шүү

Сиси [ 182.160.37.105 ]      |     Пүрэв, 06:49 минутанд

Одоо л олж харав уу танай байгууллага юу хийджг газар вэ

zochin [ 66.181.184.39 ]      |     Пүрэв, 04:34 минутанд

ene bayguullaga geji neg amiguy albatuud baynaa

Go to top of page