Гэлэнмаа нар хулгайлсан мөнгөөрөө Лас Вегасийн казинод тогложээ

Я.Болор | Zindaa.mn
2018 оны 12 сарын 11

АНУ-ын Өмнөд Каролина мужийн Гэгээн Жеймсийн католик сургуулийн хоёр гэлэнмаа Лас Вегаст казинод тоглож, аялахын тулд зургаан жилийн турш сургуулийн мөнгөнөөс хулгайлж байснаа хүлээн зөвшөөрчээ. 

Daily Breeze хэвлэлд бичсэнээр, гэлэнмаа нар сайн найзууд бөгөөд нэг нь 29 жил тус сургуульд захирал, нөгөө нь 20 жил багшаар ажиллаж байгаад, энэ жил тэтгэвэрт гарчээ. 

Эх сурвалжийн мэдээлснээс үзвэл, гэлэнмаа нар казинод тоглоод, 500 орчим мянган ам.доллар алджээ. Энэхүү мөнгийг тэд сургуулийн сангийн хандивын мөнгөнөөс шамшигдуулсныг “Гэгээн Иосиф де Каронделе эгч нарын одон” цуглаанаас явуулсан шалгалтаар илрүүлжээ.

Я.БОЛОР

WWW.ZINDAA.MN

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top