Ерөнхий сайд асан Н.Алтанхуягийн ”Цензургүй яриа”-нд оролцохдоо хэлсэн ОНЦЛОХ ҮГС

  Монгол Улсын 27 дахь Ерөнхий сайд Н.Алтанхуяаг өнгөрсөн даваа гарагт /2018.12.10/ сэтгүүлч Л.Мөнхбаясгалангийн бэлтгэн хүргэдэг "Цензургүй яриа" нэвтрүүлэгт оролцсон билээ. Ерөнхий сайд асан Н.Алтанхуягийн хэлсэн үгнээс эшлэн хүргэж байна. 

-Би Ц.Элбэгдорж, П.Цагаан хоёрт овоолгын шороо авч өгөх гэж ардчилсан хувьсгалд оролцсон юм уу. ГОК-ийн хажуу дахь  "Эрдмин", "Ачит эх" гэх хоёр компани Ц.Элбэгдорж, П.Цагаан хоёрынх. "Эрдэнэт"-ийг идсэн, ядаж овоолсон шороог нь ард түмэнд өгчих л дөө.

-Ч.Сайханбилэгийн Засгийн газар Ц.Элбэгдоржийн заавраар л ажилладаг байсан.

-Ц.Элбэгдорж өөрөө найман жил, залгуулаад М.Энхболдыг найман жил хаанаар өргөмжлөхөөр төлөвлөж, түүнийх нь эсрэг өрвөлзсөн хүмүүсийг хонгил руугаа хийгээд, хаанчилна гэж тооцоолсон. М.Энхболдыг гаргах гэж яаж улайрав. Ард түмний буян заяа түшиж, М.Энхболд Ерөнхийлөгч болоогүй. Энэ төлөвлөгөөнд нь саад болох хүн нь Х.Баттулга, Н.Алтанхуяг хоёр байсан. Бусад нь зүгээр л тогоомын хүүхэлдэй.

-Би юу гэж өргөдлөө бариад давхиж явах вэ дээ, Мөнхбаясгалаан....

-Шударга бусын хонгилд улстөрчдөөс гадна бизнесмэнүүд өртдөг. Мөнгөтэй хүмүүсийг шоронд хийгээд, хамаг хөрөнгийг нь сэгсрээд гаргадаг байсан.

-Энх тайван цагт яагаад ийм олон генерал төрөөд байгаа юм бэ. Шударга бусын хонгил руу хэдэн хүн аваачиж хийснээрээ генерал болдог байсан. Хонгилын хаалга нээж өгсөн Н.Ганболд генерал, дагалдан нь Донжчинбуу генерал, Б.Хурц  генерал гэх мэт.

-Одоо эргээд бодох нь ээ, би тултал нь тэмцэж чадаагүй байна. "Цагаан суварга", "Дубай"-н гэрээ гээд одоо гоншгоноод байгаа чинь тултал тэмцэж чадаагүй нь л гай.

-Би Ц.Элбэгдоржийг хаан байхад шалдан байна гэж хэлж байсан шүү.

-Оюутолгойн хөрөнгө оруулалт хоёр тэрбум ам.доллараар хэтэрсэн. Тэр хэтрэлтийг хүлээн зөвшөөрөөгүй учраас шинэчлэлийн Засгийн газрыг Ц.Элбэгдорж огцруулсан.

-Намайг Ерөнхий сайд болсоны дараа Ц.Элбэгдорж бид хоёрын хооронд нэг яриа болсон юм. Н.Алтанхуягаа чи бусад ажлаа хий, би "Эрдэнэт"-ийг хариуцъя гэж хэлсэн.

-Хонгил ажиллаж, дээрэм хийж байна. "Эрдэнэт" заавал УИХ-аар орох ёстой, хууль зөрчсөн.

-Ц.Элбэгдорж гурван сар сул байсан АТГ-ын даргын албан тушаалд шинэ УИХ тангараг өргөмөгц яаравчлан санал оруулж, Х.Энхжаргалыг дөрвөн хоногийн дотор томилуулсан. Х.Энхжаргал нь "Аархал"-д яагаад багтсаныгаа, М.Энхболд яагаад "Аархал" уулзалтад Х.Энхжаргалыг оруулсныгаа аль, аль нь тайлбарласан.

-"Шударга бусын хонгил" нурах дөхөж байна. Шинэчлэлийн Засгийн газрыг огцруулахад шударга бусын хонгил ажиллаж, Л.Гансүхийг хэрэгт холбосон. Энэ удаа Ерөнхий сайд У.Хүрэлсүх, УИХ-ын гишүүн Л.Оюун-Эрдэнэ нарыг онилсон.

-Монгол Улс цаашид хөгжихийн тулд "Шударга бусын хонгил"-ыг нураах шаардлагатай. Энэ хонгилоос Монгол Улсын хямрал эхэлсэн. Харин Ц.Элбэгдорж, М.Энхболд болон тэднийг тойрон хүрээлэгч нарт маш их давуу талыг бий болгосон. Монголын газрын доорх баялгийг цөөн хүнд аваачсан. Тиймээс энэ хонгилыг устгах ёстой.

-Энх цагт хүмүүсийг шударга бусын хонгил руу аваачиж өгснийхөө төлөө генерал төрж байна. Би энэ олон генералуудаас ичиж байна.

-АТГ яагаад Ц.Элбэгдорж, М.Энхболд нарыг шалгахгүй байна вэ?

-"Эрдэнэт"-д өөрсдийн бүх хүнээ байршуулсан.

-Манай Засгийн газрыг "Дубай"-н гэрээтэй төстэй юм хий гэж тулгасан.

-2012 онд намайг дуудаад, Н.Алтанхуяг Ерөнхий сайд хийхгүй, УИХ-д байна шүү гэсэн.

-"Цагаан суварга"-ын ордын 34 хувийг хуулиараа монголчууд эзэмших ёстой.

-"Шударга бусын хонгил"-оор оруулж, Монголын мөнгөтэй хүмүүсийг сэгсэрсэн. Тэд гадаадад гарсан. Эднийг байхад тэд ирэхгүй.