АН-ын IX Их хурлын төлөөлөгчид УИХ-ын дарга М.Энхболд, Ерөнхий сайд У.Хүрэлсүх нарт шаардлага хүргүүлсэн байна.
УГ ШААРДЛАГАД:
МАН төрийн эрх мэдлийг авсанаас хойшхи хугацаанд төсвийн алдагдал 2017 онд 2.4, 2018 онд 2,7, 2019 онд 1.9 их наяд нийт 7 их наяд төгрөгт хүрлээ.
Аж үйлдвэр, зам тээвэр, хот байгуулалт, сум хөгжүүлэх зэрэг их бүтээн байгуулалтын төслүүдэд зарцуулагдаж үр шим нь Монголын ард түмэнд ил тод хүрсэн “Чингис” бондын 1.5 тэрбум ам.долларын зээлийг илүү өндөр хүүтэй “Гэрэгэ” бондоор, Евро бондын 600 сая ам.долларын зээлийг илүү өндөр хүүтэй “Хуралдай” бондоор сольж хугацаа алдсанаар хүүгийн зөрүүнд төсвөө чирч Монгол Улсын өрийг 27.5 тэрбум ам.долларт хүргэж, татвараа нэмж иргэдээ хоосолж байна.
МАН-ын дотоод хагарал, бүлэглэл хоорондын тэмцэл намынхаа савнаас хальж, Монгол төрийн үйл ажиллагааг ноцтой хямралд хүргэж, ард түмний амьдралыг туйлд нь хүртэл доройтууллаа. МАН-ын дарга, Ерөнхий сайд У.Хүрэлсүх УИХ-ын чуулганы хариуцлагатай индрээс 60 тэрбумын бичлэг үнэн гэдгийг хүлээн зөвшөөрснөөр Ардчилсан намаас удаа дараа тавьж байсан шүүмжлэл бодитой гэдгийг нотоллоо. Энэ бүхнийг үндэс болгон, Ардчилсан намын IX их хурлын төлөөлөгчид бид дээрх хэрэгт холбогдож, төрийн хууль, ёс зүй, шударга ёсыг ноцтой зөрчсөн УИХ-ын болон Засгийн газрын гишүүд, орон нутгийн бүх шатны удирдлагуудыг яаралтай эгүүлэн татаж, хариуцлага тооцохыг эрх чөлөөний түүчээ, Ардчилсан намын мянга, мянган гишүүд, дэмжигчид, ард түмнийхээ нэрийн өмнөөс хатуу шаардаж байна. Хэрэв энэхүү шаардлагыг үл тоох аваас бид улс төрийн тэмцлийн дараагийн үе шатанд шилжих болно гэдгээ мэдэгдэж байна” гэжээ.
М.БҮҮВЭЙ
www.zindaa.mn
Сэтгэгдэл ( 4 )
САНАЛ НЭГТЭЙ БАЙНА
Ярьж хэлж байгаа зүйлс нь олон янзаар хувираад байх юм та нарт одоо хэн итгэл үнэмшил өгөх юм засгаа огцрохыг дэмжсэн нь ард түмний хүсэл сонирлыг үл тоон өөрсдийн эрх ашгийн төлөө кноп дарсан 27 дээр нэмэх хэдэн гишүүд хэн нь хэн бэ гэдгээ харуулсан ялангуяа Баасанхүү их том зүйлээр ам гарч ярьсан МАХН АН дараагийн сонгуульд ёстой хэцүү байх Харин МАН Хүрэлсүх амлалтаа биелүүлж боловсон хүчний сонголтон дээр зөв байвал гарах магадлал 100% байх байх шүү энэ нь саяын ард түмний дэмжлэгээр харагдлаа АН Батзандан Болд 2 лидерээ намаасаа алдлаа
эхлээд та нар толгой дээрээ залсан шоронгийн хулгайчаа зайлуул дараа нь улс орны хэмжээний юм та нарын толгой хүрэхгүй үйл явдал ѳрнѳѳд байна
АН гэж тэнэгүүдийн цугларал шүү дээ, 60 тэрбумын эзэнд хариуцлага тооцьё гэхээр өмөөрөөд байдаг,, дараа нь тэгээд бидний зөв гээд байдаг,,, орон гаран тэнэгүүд