Т.Лхагвасүрэн: ”Очир” төв охины оршуулгын зардлыг барагдуулаагүй

Автор | Zindaa.mn
2018 оны 12 сарын 14

     Баянзүрх дүүргийн 21 дүгээр хороонд үйл ажиллагаа явуулдаг "Очир" төвийн зочид буудлын өрөөнд 13 настай М охин 2017 оны наймдугаар сарын 23-нд амиа алдсан билээ. Энэ хэргийг жил гаруй хугацаанд хуулийн байгууллага шалгасны эцэст хэргийг Баянзүрх дүүргийн Эрүүгийн хэргийн анхан шатны шүүх өнгөрсөн арваннэгдүгээр сарын 23-ны өдөр хэлэлцэж, М.Амарболд, Д.Жавхлан нарт бүх насаар нь хорих ял оноож, хорих ялыг хаалттай хорих байгууллагад эдлүүлэхээр шийдвэрлэсэн билээ.

Мөн шүүхээс талийгаачийн ар гэрийхэнд нь шүүгдэгч М.Амарболд, Д.Жавхлан болон "Очир" төвөөс нөхөн төлбөр гаргуулахаар шийдвэрлэсэн. Гэвч нөхөн төлбөр барагдуулаагүй байгаа талаар талийгаачийн аав Т.Лхагвасүрэн ярилаа. Түүнээс дараах тодруулгыг авлаа.  

-Шүүхээс та бүгдэд хэчнээн төгрөгийн нөхөн төлбөр олгуулахаар шийдвэрлэсэн билээ?

-"Очир" төвийг ажиллуулдаг “Алтан Очир энд Голд стар” ХХК болон шүүгдэгчдийн ар гэрээс нийт 8.409.249 төгрөг гаргуулахаар шүүх шийдвэрлэсэн. "Очир" төв болон Д.Жавхлан нараас тус бүрт нь 3 сая 636 мянган төгрөг, М.Амарболд өмнө нь 2 сая 500 мянган төгрөг өгсөн байсан учраас түүнийг нь хасч 1 сая 136 мянган төгрөг олгох шүүхийн шийдвэр гарсан. Миний охин амиа алдсанаас хойш нэг жил, гурван сарын хугацаа өнгөрч байна. Хэрэг шүүхийн шатанд очих хүртэл "Очир" төв болон Д.Жавхлан М.Амарболд нарын зүгээс оршуулгын зардалд ямар нэгэн мөнгө өгөөгүй явж ирсэн. Харин хэрэг шийдэгдэхийн өмнө М.Амарболдын ар гэрийнхний зүгээс 2 сая 500 мянган төгрөг өгсөн. Нөгөө талуудын хувьд нөхөн олговор төлөөгүй.

-Та энэ талаар яллагдагчдын ар гэрийнхэн болон "Очир" төвийн эзэдтэй холбоо барьж ярилцсан уу?

-"Очир" төвийн захиралтай утсаар ярихад "Өгөх боломжгүй байна" гэдэг хариу өгсөн. “Манай хүүхэд өвдөөд эмнэлэгт хэвтсэн. Хүүхдээ сахиад ажилгүй байгаа. Мөнгөний боломжгүй байна” гэдэг хариу өгч байгаа. "Очир" төвд асар их буруу байгаа шүү дээ. Насанд хүрээгүй охиныг минь буудал руу авч ороход нь хориглолгүй оруулсан. Д.Жавхлангийн ар гэрийнхэн бол төлөхгүй гэж байгаа. Миний хүүхэд хэрэг хийгээгүй гэж үздэг.

-Шүүгдэгчдийн талаас давж заалдсан юм болов уу. Энэ тохиолдолд дараагийн шатны шүүхээр хэрэг эцэслэн шийдэгдсэний дараа нөхөн төлбөрийг өгөх асуудал яригдах болов уу?

-Шүүгдэгчдийн талаас хэргийг давж заалдаж байгаа гэж дуулдсан. Энэ хүмүүс хэрэг шалгагдаж байх хугацаанд оршуулгын зардал ядаж өгч болно шүү дээ. Дэндүү нинжин сэтгэлгүй хүмүүс юм. Шүүхээс талийгаачийн оршуулгын үйл ажиллагаанд зарцуулсан бодит зардлыг шүүгдэгч нар болон буудлын эздээс гаргуулах шийдвэр гаргасан ч ер тоогоогүй.


ZINDAA.MN

Т.Амараа

Сэтгэгдэл ( 20 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(64.119.17.187) 2018 оны 12 сарын 14

YALLAGDAGCHIIN ZARIM N GEMGUI HUN BAIH MAGADLALTAI

0  |  0
Эн(182.160.32.5) 2018 оны 12 сарын 14

Наад Очир төвийнхэн чинь Комландаар 6 лангуутай асар баян хүмүүс худлаа ярьж байгаа юм Нийт 16 ширхэг байр бас түрээслэж мөнгө хүүлдэг гарууд Сарын 100 сая төгрөг юу юм гэж агсардаг гарууд ш дээ

0  |  0
zochin(182.160.39.18) 2018 оны 12 сарын 14

ehner hvvhde hayad ard tumii ogson 30sayar oor ehner awaad bair awaad jargaj yawaa lalar bgaa ym

0  |  0
Zochin (182.160.38.81) 2018 оны 12 сарын 14

Ochir buudliig haah heregtei nasand hureegui hund uilchilsen alchuurchdad bolomj olgoson

0  |  0
Ахнэ(202.9.43.115) 2018 оны 12 сарын 14

УИХ-ын гишүүн ДамбаОчир хохирлыг барагдуулаач ээ, новш оо

0  |  0
михал(124.158.107.106) 2018 оны 12 сарын 14

наад хогийн буудлаа зараад мөнгийг нь яаралтай өг

0  |  0
Эх хүн(66.181.186.63) 2018 оны 12 сарын 14

Хүний жоохон охиныг 2-залуутай ороход нь хориглож асууж шалгаагүй , мөнгө хөөсөн өмхий новш тэр мөнгийг нь өгч уучлал гуйгаачээ.Хүүхэд өвдсөн ч гэх шиг адилхан хүүхэдтэй хүн байж та нарийн буруугаас болж хөөрхий охин амиа алдаад эцэг эх нь зовж шаналаж байхад хэдэн төгрөгөн дээр үхэж алдаад байхдаа яадаг малнууд вэ.2,,3 нугалаад өгсөн ч яадгийн лай ланчигаа бага зэрэг ч гэсэн дарах хэрэгтэй баймаар юмаа.

0  |  0
Top