Олон улсын хоригийг давж гарахын тулд Хойд Солонгос нүүрснээс гаргаж авсан нийлэг хий хэрэглэнэ

Я.Болор | Zindaa.mn
2018 оны 12 сарын 19

БНАСАУ нүүрсний асар их нөөцөө ашиглан, нийлэг хий үйлдвэрлэлээ эрчимжүүлжээ. Үүгээр тус улс олон улсын хориг арга хэмжээг даван туулах, импортын түлшний хараат байдлыг бууруулахыг зорьж байна гэж the Wall Street сэтгүүлд бичжээ.

Хятад улс нүүрснээс хий үйлдвэрлэх технологи болон туршлагаа хуваалцсан гэнэ. Пёньян импортын түлш хэрэглэдэг томоохон бордооны үйлдвэр, ган болон цементийн үйлдвэрүүдэд энэхүү технологийг нэвтрүүлж байгаа аж. Шинжээчдийн үзэж буйгаар, нүүрснээс нийлэг хий гаргаж авснаар Хойд Солонгосын эрх баригчид хориг арга хэмжээнээс үүсэх дарамт, шахалтыг даван туулах  хугацаа хожиж байж болох юм. 

Энэ оны зургадугаар сард Хятадын нэгэн компани тус улсад цагт 40 мянган куб метр хий үйлдвэрлэх хүчин чадал бүхий төхөөрөмжийг Пёньянаас хойд зүгт орших аж үйлдвэрийн бүсэд нийлүүлжээ. Зөвхөн энэ төхөөрөмжийн тусламжтайгаар Хойд Солонгос түүхий болон боловсруулсан газрын тосны импортын нийт хэмжээний 10 хувьтай тэнцэх хэмжээний нийлэг хий үйлдвэрлэх боломжтой болж байгаа гэнэ.

Я.БОЛОР

WWW.ZINDAA.MN

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ӨӨ (59.153.115.85)  2018 оны 12 сарын 20

МАНАЙД ЗАЛУУС ТОЛГОЙГОО АЖИЛЛУУЛСАНААС БАРИЛДАЖ, ЗАГВАР ӨМСӨЖ, НАЙМАА ХИЙСЭН НЬ ДЭЭР ГЭЖ БОДДОГ БОЛЖЭЭ.

0  |  0
МОНГОЛ (202.179.25.241)  2018 оны 12 сарын 20

ХАА БАЙНА МАНАЙ ИХ ОЛОН ЭРДЭМТЭН ДОКТОР АКАДЕМИЧ НАР ИЙМХЭН ЮМЫГ ХИЙЧИХ МЭДЛЭГ ЧАДВАР АЛГА УУ?

0  |  0
Зочин (182.160.34.249)  2018 оны 12 сарын 19

Монгол 1? жил яриад бүтээгүй ажлыг БНАСАУ ганц хоёр жилд бүтээчихэж байна. Авторитар ч гэсэн прагматик нэгдсэн удирдлага гэж энэ л байна даа.

0  |  0
Top