Мексикт түлш дамжуулах хоолой дэлбэрч, 85 хүн амиа алджээ

Мексикийн Идальго мужийн Туспан-Тула гэх томоохон нефть дамжуулах хоолой дэлбэрчээ. Ослын улмаас амиа алдсан хүний тоо 85 болж нэмэгдээд байгаа талаар тус улсын Эрүүл мэндийн сайд Хорхе Алькосера мэдэгдсэн байна. Амиа алдсан хүний тоог өмнө нь 79 гэж зарлаж байсан бол энэ тоо зургаагаар нэмэгджээ.

Дэлбэрэлтийн улмаас гэмтэж бэртсэн 58 хүн эмнэлэгт хүргэгдсэн байна. Мексикт өнгөрсөн баасан гарагт болсон энэхүү эмгэнэлт явдлын дараа Онцгой байдлын үндэсний комисс байгуулагдан ажиллаж байгаа аж.

Хүчтэй дэлбэрэлт болон түймрийн шалтгааныг тодруулж дуусаагүй байгаа юм байна.