Монголын яруу найргийн нэгэн сүмбэр оргил, суу билигт найрагч Бавуугийн Лхагвасүрэн Өнжүүлийн цэнхэр уулс, Боржигоны бор талынхаа элгэнд үүрд нойрсохоор шингэлээ. Нэрт найрагчийг Өнжүүлийн цэнхэр уулсын сүр бараан дунд эцсийн замд нь үдэж, түүний ухаанаас ургаж, үгийнх нь сүүг хөхөж өссөн хайрт хүү, "Болор цом"-ын эзэн, яруу найрагч Лхагвасүрэнгийн Хасар сэтгэлийнхээ уй дууг асгаж үг хэллээ. Суут найрагчийн өвдгийг нь түшиж, ухааных нь гэрэлд шүлгээ тэрлэж суусан хүүгийнх нь аавынхаа алтан шарилд мөргөж хэлсэн үг ийм байв.
Аав аа, Таны үр хүүхэд, ач зээ, хамаатан садан, анд нөхөд, шавь нар, таны сэтгэлийн гэрэл гэгээнд татагдсан хүмүүс бүгд өнөөдөр энд цугласан байна.
Бид жамын үүдэнд, хагацлын босгонд зогсч байна. Энэ хагацал биш харин та бидний сэтгэл зүрх, оюун ухаан улам гүн орших гэж гэрэл, сүүдрийн зорсон энэ л агшинг гээлээ хэмээн сэрүүн зүүдэлж зогсоно. Таныгаа молхи бидний тэвэрт эцсийн амьсгалаа отголоход Та тэнгэрийг газартай, уулыг устай, зовлонг жаргалтай, нулимсыг инээмсэглэлтэй мэтгэж бичсэн шүлэг, бүтээл бүхэн чинь, зүрхний цохилт, амьсгал бүр чинь бидний ухаарал, аз жаргал, баяр баясгалангийн төлөө байсныг сая л ойлголоо. Мунхаг биднийг өршөөгөөрэй.
Таны ухаанаа асгаж урлаж бүтээсэн номын агуу ертөнц монгол түмний минь сэтгэл зүрхэнд мөнх оршиж, ухаанаас тань ундарсан тэр ариун ундаргаас монгол түмэн билэг, оюун ухаанаа хурцалж, үеийн үед дуурсах болно.
Аав аа, таны хэлэх дуртай “Бүтээнэ гэдэг алдаршихаас үнэтэй” гэдэг үгийг санаж бүтээхийн гэгээнд хөтлөгдөж, ариун голомтыг чинь удам залгуулан, өргөж явна аа, үр хүүхдүүд бид чинь.
Аав аа, таньдаа би хязгааргүй их хайртай шүү.
Шамбалын гэгээнд багтаж, сайн төрлийг олж, мөнх бусын тухай бидний бодол ээдрээг тайлж өгөхөөр мөнх тэнгэр өөдөө одсон та минь номын гэгээнд хөтлөх эрдэмт хүмүүн болж, бидэндээ дахин төрөөрэй.
Ум мани бадмэ хум
Сэтгэгдэл ( 39 )
Jambaliin orond irgen turuurui ym maani bad mi hum
Ум маани бадма хум. Ум сайн амгалан болтугай
Та минь Боржигоны бор талдаа тайван нойрс доо Ум сайн амгалан болтугай
Бид таныг дурсан санана. Ум сайн амгалан болтугай.
Ум ма ни бад ми хум
Ум ма ни бад ми хум
Ум ма ни бад ми хум
Ум ма ни бад ми хум
...Элгийг чинь цөлмөж шингэнээ Боржигоны бор тал минь гэсэн байсан даа. Та минь амгалан шинэ дээ. Ум мани бад мэ хум
Эх нутгийнхаа ариун хөрсөнд амгалан нойрсоорой
агуу хүний үр үндэс аугаа л байдаг юм байна. сэтгэл шимширч нүд бүрэлзэж, амьд ахуй цаг нь нүднээ тодрох мэт... ум сайн амгалан орших болтугай
Энэ цагийн найраг,үгийн хаан маань нас бусыг үзлээ.Таныг сэтгэлд мөнхлөх бодол ухаарлын ариун тунгалаг мөрөнгийн ус мэт тэрлэсэн үг бүр мөнхөд үлджээ.Ум ма ни бад ми хум.
um maani badme hum
Ум сайн амгалан болтугай
Ум маани бадми хум. Дахин давтагдашгүй хүн дээ.
Тэнгэрийн хүү тэнгэртээ халилаа. Эцэг тэнгэрийнхээ дор Этүгэн дэлхийдээ бидэндээ эргэж дахин төрөөрэй.
Um sain amgalan boltugai
Dahin bidend turuurei. Mongol tumen tanii setgeliin uhaaniig uurd sonsoj dagaj ulgerlej uhaarch baih bolnoo.
Ум ма ни бад ми хум. Та минь дахин төрж монгол түмнээ баясгах болтугай хурай хурай хурай
Ум мани бадми хум
Та минь боржигоныхоо бор талдаа дахин төрөөрэй ум сайн амгалан болтуугай