МАН: С.Мөнхчулуун, Ц.Сандуй нарыг намаас гарсанд тооцсон
МАН-ын Хяналтын ерөнхий хороо өчигдөр /2019.02.18/ хуралдаж, НИТХ-ын төлөөлөгч С.Мөнхчулуун, Ц.Сандуй нарыг намынхаа гишүүнчлэлээс түдгэлзүүлэх шийдвэр гаргасан билээ.
Тодруулбал, НИТХ-ын төлөөлөгч Ц.Сандуйг 60 тэрбумын хэрэгт холбоотой хэмээн үзэж, хариуцлага тооцсон бол НИТХ-ын төлөөлөгч С.Мөнхчулууныг намынхаа Удирдах зөвлөлийн шийдвэрийг дагаагүй гэх шалтгаанаар намаасаа хөөх шийдвэрийг гаргасан юм.
МАН-ын Хяналтын ерөнхий хорооноос гаргасан шийдвэртэй холбогдуулан тус намаас яг одоо мэдээлэл хийлээ.
Тэд мэдээллийнхээ эхэнд "МАН-ын Хяналтын ерөнхий хороо өчигдөр /2019.02.18/ хуралдсан. Энэ хуралдаанаар намын зарим гишүүнд хариуцлага тооцох асуудлыг хэлэлцсэн. МАН-ын дарга, Ерөнхий сайд У.Хүрэлсүх нийгэмд шударга ёсыг бэхжүүлэхийг онцгой анхаарч ажиллахаа мэдэгдсэн. МАН-ын 60 тэрбумын хэргийг эцэслэх нь зүйтэй гэж шийдсэн. Энэ хүрээнд тодорхой шийдвэрүүдийг гаргасан. Тухайн үед МАН-ын даргаар ажиллаж байсан М.Энхболд, НИТХ-ын дарга асан Ц.Сандуй, түүний туслах нар энэ асуудалд нэр холбогдсонд харамсч байна. Гэвч өнөөг хүртэл хариуцлага тооцох асуудалд учир дутагдалтай байсан. Тиймээс намынхаа дүрэмд өөрчлөлт оруулж, хэрэгжүүлж эхэлсэн. Энэ ч утгаараа тодорхой зарим гишүүнд хариуцлага тооцож, МАН-ын гишүүн Ц.Сандуй, С.Мөнхчулууныг намаасаа түдгэлзүүлэх шийдвэрийг гаргасан. Ингэхдээ намаас хөөх тухай асуудлыг ярьдаггүй, зөвхөн намаас гарсанд тооцох тухай асуудлыг МАН-ын Хяналтын ерөнхий хороо шийдвэрлэж, эдгээр хүнийг намаас гарсанд тооцсон" хэмээн онцоллоо.
ШУУД ДАМЖУУЛАЛТЫГ ВИДЕО ХЭСГЭЭС ҮЗНЭ ҮҮ!
Холбоотой мэдээ
Сэтгэгдэл ( 0 )
монгол улсын ууган нам ардын ман хийх ёстойгоо л хийж байна өшөө олон хулгайч нарыг хөөх хэрэгтэй
Манангийхантай тэмцэх амаргүй ажил бололтой. Шантрахгүй л ургашлаад байгаарай, ард иргэд чинь сайн дэмжих болно оо.
Зөв, одоо 60 тэрбумын наад муу 2 увайгүй хулгайгаа ИТХ-аас хөөх хэрэгтэй.