Тэнгэрээс буусан од: Жүжигчин Стив Морел гэж хэн бэ?

Автор | Zindaa.mn
2019 оны 02 сарын 20

 

 

 

“Тэнгэрээс буусан од” уран сайхны киногоор үзэгчдэд нэгэн гол утга санааг хүргэхийн тулд Монгол хэл, монгол ахуй, соёлыг тодорхой хэмжээнд сонирхон эзэмшсэн гадаад хүний дүр зайлшгүй хэрэг болжээ. Иймээс Монгол улсад суралцахаар Франц улсаас ирэн 2 жилийн хугацааг өнгөрүүлсэн Стив Морелийг Хувьсал продакшн шинэ уран бүтээлдээ урьсан байна.

 

Тухайн үед өөртөө итгэл дундуур байсан ч сониуч зандаа  хөтлөгдсөн Стив Морел тус кинонд тоглохоор сонгогдсоноос хойш дахин нэг жил гаруй хугацааг зөвхөн кино бүтээлд зориулан хэл ярианы бэлтгэл, морь унах дасгал сургуулилт хийх, зохиол дээр ажиллах зэргээр өнгөрүүлжээ. Стив Морел хувийн бэлтгэлээ сайтар базаасны эцэст зураг авалтандаа орж тун амжилттай ажиллажээ.

 

 

Стив Морелийг хэрхэн олсон бэ гэж үү?  Түүнийг нэгэн телевизийн нэвтрүүлэгээр гарч байхыг “Тэнгэрээс буусан од” киноны найруулагч У.Уранчимэг санамсаргүйгээр олж харсан гэдэг. Стив Морел бол Монголд хайртай, монголын газар нутаг, ёс заншлыг хүндэтгэж үздэг, монгол хэл бичгийг судалдаг, морин хуур суралцдаг, Монгол судлаач болохыг зорьдог, тэр ч бүү хэл монгол эхнэртэй болох сонирхолтой жирийн нэгэн Франц эр юм.

 

Тийм дээ ч тус кинонд яг тохирсон хэмээн найруулагч болон кино багийхан нь онцолсон байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(176.158.21.29) 2019 оны 02 сарын 28

Stiv Morel mudag frants zaluu bainaa Morin xuur toglood mongol xel suraad odoo byr mongol kinond togloj baina

0  |  0
Top