Хамтран амьдрагчаа хөнөөгөөд, АМИА ХОРЛОХЫГ ЗАВДЖЭЭ

Б.Гантуяа | Zindaa.mn
2019 оны 02 сарын 20

 

Хамтран амьдрагчаа хөнөөгөөд, амиа хорлохыг завдсан этгээдийг цагдаагийн байгууллагаас шалгаж байна. Хэргийг тодруулбал, энэ сарын 18-ны өдөр нийслэлийн Хан-Уул дүүргийн 24-р хорооны нутаг дэвсгэрт байрлах .... тоот орон сууцанд оршин суух 44 настай эрэгтэй Ц гэгч нь хамтран амьдарч байсан эмэгтэйн амь насыг хохироожээ. Улмаар сэжигтэн этгээд цахилгааны утсаар өөрийгөө боомилж амиа хорлохыг завдсан бөгөөд цагдаагийн алба хаагчид дээрх үйлдлийг таслан зогсоосон байна.

 

Амь хохирогч эмэгтэй нь 44 настай бөгөөд талийгаачийн биеийн хэсэгт олон тооны шарх үүссэн байжээ. Уг хэргийг харьяаллын дагуу Хан-Уул дүүргийн цагдаагийн нэгдүгээр хэлтэст шалгаж байгаа ба сэжигтэн этгээд мэдүүлэхдээ “Хамтран амьдрагчийнхаа амь насыг санаатайгаар хөнөөгөөгүй, ингээд нас барчихна гэж бодоогүй” хэмээжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
уншигч (43.228.128.195)  2019 оны 02 сарын 20

Хамтран амьдарна гэдэг чинь цаг алдаж байна гэсэн үг тэгээд хэн хэндээ итгэх итгэл байдаггүй юм Тиймээс яаралтайгаар амьдралаа зохиож гэр бүлдээ үнэт цагаа зарцуулаарай залуучуудаа

0  |  0
Top