Тавдугаар сараас түүхий нүүрс хэрэглэхгүй

Автор | Zindaa.mn
2019 оны 02 сарын 20

Засгийн газрын ээлжит хуралдаан өнөөдөр /2019.02.20/ болж, хэд хэдэн асуудал хэлэлцсэний дунд Түүхий нүүрс хэрэглэхийг хориглох тухай Засгийн газрын 2018 оны 62 дугаар тогтоолын хэрэгжилтийн асуудал багтав. Орчны бохирдлыг бууруулах үндэсний хороо энэ онд 32 ажил хийхээр төлөвлөсөн байна. Тухайлбал,

 

  • Халаалтаа цахилгаанаар шийдсэн айл өрхөд шөнийн цахилгааны үнийн урамшуулал олгох
  • Сайжруулсан түлшээр гэр хорооллын айл өрхийг бүрэн хангах
  • Гэр хорооллын дахин төлөвлөлтийг эрчимжүүлж төвлөрсөн болон хэсэгчилсэн инженерийн байгууламжийн хүртээмжийг нэмж, орон сууцжуулах
  • Насжилт өндөр болон дизель хөдөлгүүртэй нийтийн тээврийн хэрэгслийг үе шаттайгаар хязгаарлах
  • Агаарын бохирдлыг бууруулахад иргэд, олон нийтийн оролцоо, үүрэг, хариуцлагыг нэмэгдүүлэх
  • Сайжруулсан түлшийг Төрийн болон бусад банкаар дамжуулан зээлээр түгээх, зээлийн хөнгөлөлт үзүүлэх
  • Дөрвөн цэгт хяналтын пост ажиллуулж, түүхий нүүрсийг ахуйн хэрэгцээний зориулалтаар хот руу оруулахаас сэргийлэх
  • Гэр хорооллын 17 цэцэрлэгийг цахилгаанаар хангах
  • Эрсдэлт бүлгийн хүн амыг томуугийн эсрэг дархлаажуулалтад хамруулах юм.
     

Дээрх ажлуудын хүрээнд хийсэн ажлаа ирэх тавдугаар сарын 15-ны өдрийн Засгийн газрын хуралдаанд танилцуулахыг Засгийн газрын өнөөдрийн хуралдаанаас БОАЖ-ын сайд Н.Цэрэнбатад даалгав..

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top