Элчин сайд Канадын Уул уурхайн Ассоциацийн Тэргүүн дэд Ерөнхийлөгчтэй уулзав

2019 оны 02 сарын 28

Элчин сайд Я.Ариунболд Канадын Уул уурхайн Ассоциацийн Тэргүүн дэд Ерөнхийлөгч Бен Чалмэрстэй уулзаж уул уурхайн салбар дахь хамтын ажиллагааны талаар санал солилцов.

Канадын Уул уурхайн Ассоциациас 2004 онд санаачлан боловсруулж хэрэгжүүлсэн Тогтвортой уул уурхайн төлөө үйл ажиллагааны үнэлгээний системийн талаар танилцуулав. Энэхүү системийг холбооны гишүүд заавал биелүүлэх үүрэгтэй бөгөөд одоогоор 5 улсад өөрийн онцлогийг тусган нутагшуулан ажиллаж байгаа талаар мэдээлэл өгөв. Цаашид хоёр орны уул уурхайн холбоодын хамтын ажиллагааг тогтоох, Тогтвортой уул уурхайн төлөө үйл ажиллагааны үнэлгээний системийн нутагшуулах боломжийг судлах чиглэлээр ажиллахаар тохиров.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top