Ногдол ашиг тараах компанийн тоо 19 боллоо

Ногдол ашиг хуваарилах хувьцаат компанийн тоо 19 болжээ. Хувьцаа эзэмшигчиддээ ногдол ашиг олгох, эсэх талаар  Төлөөлөн удирдах зөвлөл (ТУЗ)-ийн гаргасан шийдвэр, мэдэгдлийг хувьцаат компаниуд Санхүүгийн зохицуулах хороонд ирүүлсээр байгаа аж.

Өнөөдрийн байдлаар /2019-03-11/  82 ХК мэдэгдлээ ирүүлсэнээс 19 нь нийт 55.2 тэрбум төгрөгийн ногдол ашиг олгохоор шийдвэрлэжээ.

ТУЗ дээрх шийдвэрийг санхүүгийн жил дууссанаас хойш 50 хоногийн дотор гаргахаар Компанийн тухай хуульд заасан тухай өмнө нь СЗХ-ноос мэдээлж байсан юм.