Нэгдүгээр ангийн сурагчдыг цахимаар бүртгэх бэлтгэлийг эхлүүллээ

Автор | Zindaa.mn
2019 оны 03 сарын 12

Нийслэлийн Засаг дарга бөгөөд Улаанбаатар хотын захирагчийн санаачлагаар Ерөнхий боловсролын сургуулийн нэгдүгээр ангид элсэн суралцах сурагчдын бүртгэлийг цахимжуулах ажил хийгдэж эхэлжээ. Энэ ажлыг нийслэлийн Боловсролын газар хариуцаж байгаа бөгөөд өнөөдрийн байдлаар ажлын хэсэг томилон, албан ёсоор анхаарал хандуулж эхэлж байгааг эх сурвалж хэллээ. 

Бага ангийн сурагчдын бүртгэлийг цахимжуулсанаар эцэг, эхчүүд хүүхдүүдээ хамран сургах тойрогт нь суралцуулахаас гадна сургуулиудын удирдах ажилтнууд авлига, хээл хахуульд холбогдохгүй байх нэг үндэс болох юм.

Боловсролын байгууллага цэцэрлэгийн цахим бүртгэлийг амжилттай хэрэгжүүлсэнээр цэцэрлэгт хүүхдээ бүртгүүлэх эцэг, эхчүүдийн цаг завыг хэмнэх болсон. Цэцэргэлийн насны 150 мянга орчим хүүхэд байгаа ч өнөөдрийн байдлаар 120 мянга орчим бага насны хүүхдийг цэцэрлэгт хамруулаад байгаа аж. Үүний нэгэн адилаар Ерөнхий боловсролын нэгдүгээр ангид элсэн суралцах хүүхдүүдээ цахимаар бүртгэж эхэлсэн тохиолдолд нийт эцэг, эхчүүдийн цаг завыг хэмнээд зогсохгүй “Цахим засаглал”-ыг хэрэгжүүлэхэд нэг алхам ойртож байгаа гэдгийг нийслэлийн Боловсролын газраас мэдэгдлээ.

Бидний авсан мэдээллээр өчигдөр /2019.03.12/ албан ёсоор ажлын хэсэг томилогдож, цахим бүртгэлээр бага ангийн сурагчдыг бүртгэх бэлтгэл ажлыг эхлүүлээд байна. Ажлын хэсгийн бэлтгэл энэ долоо хоногтоо багтаж дуусна гэж нийслэлийн Боловсролын газрын дарга Ж.Гантулга хэллээ. Эхний удаад нийслэлийн хэмжээнд цахим бүртгэлийн ажлыг нэвтрүүлэхээр зорьжээ. Ирэх хичээлийн жилд 36 мянга орчим шинэ сурагчийг цахимаар бүртгэх тооцоолол байгаа юм.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Erka(202.9.42.206) 2019 оны 03 сарын 16

Ymar haygaar ve

0  |  0
Батжаргхл(202.9.45.24) 2019 оны 03 сарын 12

Ямар хаягаар бүртгүүлэх вэ

0  |  0
атарбаяр(66.181.161.110) 2019 оны 03 сарын 12

Ymar haygaar bvrtgvvlhiim bol

0  |  0
Otgonjargal (66.181.161.37) 2019 оны 03 сарын 12

Yamar haygar bvrtegeh we yag haryanii surguulda bvrtghvv

0  |  0
Zochin(103.9.90.130) 2019 оны 03 сарын 12

yamar haygaar burtgeh be

0  |  0
Top